Túrkıadaǵy reseılik elshi Andreı Karlovtyń ólimine myńdaǵan adamdar kóńil aıtyp, qaıǵyǵa ortaqtasty. Ony halyqtyń, kameranyń, jýrnalıser men kórmege kelýshilerdiń, áıeli Marına Mıhaılovnanyń aldynda atyp óltirdi.

Ankarada Reseı elshiliginiń ǵımaraty ornalasqan kóshege Andreı Karlovtyń esimi beriletini de belgili.

«Olar, Marına Mıhaılovna men Andreı Gennadevıch óte qarapaıym, tatý-tátti otbasy bolǵan.

Áıelin qatty syılaıtyn. Andreı SİM-nen jumys ýaqyty bitken soń, áıeline qońyraý shalady. Olar metroda kezdesip, úılerine birge qaıtatyn. Dál solaı tańerteń jumystaryna da birge barady. Bedeldi qyzmetine qaramastan, qoǵamdyq kólikpen júrip turatyn. Ol únemi baılanysta bolatyn. Boıynda tákapparlyqtyń ushqyny da joq.

Áıeli Marına Mıhaılovna da tamasha jan.  Biz únemi Andreı myrzaǵa jar tańdaýda joly bolǵanyn aıtyp júretinbiz», – deıdi Marına Mıhaılovna Karlova jumys isteıtin ýnıversıtettiń Halyqaralyq jýrnalısıka fakúltetiniń dekany Iaroslav Lvovıch Skvorsov. – Marına Mıhaılovnaǵa kúıeýiniń ólimi qalaı aýyr tıgenin oılaý maǵan ońaı emes. Osy kórmede ekeýiniń birge bolǵany da tań qalarlyq emes. Olardy bólek elestetý múmkin emes edi.

QHDR-da Reseı elshisi Aleksandr Ivanovıch Masegora Feısbýk paraqshasynda jazba qaldyrypty: «Qosh bol, Andreı.. Men jazyp otyryp, kóz jasymdy tıa alar emespin.

Búgin meniń dosym Andreı Karlov qaıtys boldy. Ony tý syrtynan atyp óltirdi. Kameranyń aldynda óltirildi. Ol mezette janynda bolǵan áıeline de habarlasyp, bekem bolýyn ótindik. Ol: «Andreı meniń kózimshe óltirildi, ol jerde jatyr jáne myna adam bizge qasyna barýymyzǵa ruqsat bermeı jatyr», – dedi.

Qosh bol, Andreı. Seni jerleý rásiminde Marına ekeýiń nekelesken, óziń qalaǵan Phenán pravoslavtyq shirkeýdiń qońyraýy soǵylatyn bolady dep ýáde beremin. Qosh bol, dosym, baýyrym», dep aıaqtady qoshtasý hatyn Aleksandr Ivanovıch Masegora.