Almaty oblysynda jas otbasy on jyl boıy kútken sábılerinen aıyryldy, dep habarlaıdy 31 arna.

Olar bir jarym jastaǵy balalarynyń ólimine dárigerlerdi kinálap otyr. Aıtýlarynsha, kúre tamyrǵa tamshylatyp dári quıǵan kezde qan toqtata almaǵan aq halattylar áý basta salǵyrttyq jasaǵan. Ata-ananyń janaıqaıyn Samal Qabysheva jetkizedi.

Tórt kún buryn ǵana balasyn aýrýhanaǵa ákelgen ana búgin ulynyń súıegin áketip barady. 

SAMAL QABYSHEVA, Tilshi:

- Qaıǵyly jaǵdaı osy aýrýhanada bolǵan. Kóksý aýdanynyń aýrýhanasynda sábı 4-shi kúni shetinep ketti. Ata-ananyń sózinshe, bar kiná dárigerlerdiń salǵyrttyǵynan bolǵan.

ÁKPÁR MEDENBEK, Kóksý aýdanynyń turǵyny, balanyń atasy:

- Bala qansyrap sodan óldi. Negizgi jaýapkershilik kúre tamyrdan shyqqan qandy toqtata almaǵan dárigerlerdiń bilimdiliginiń tómendigi. Qabileti tómen. Ári jaýapkersiz.

Nebári bir jarym jastaǵy Aqjoldyń ishi aýyrǵan soń, anasy aýrýhanaǵa ákeledi. Úsh kún alǵan emnen soń jaǵdaıy jaqsarǵan uldary otbasyna oralady degen jaqsy joramal da joq emes edi. Alaıda balanyń kúretamyryna salynǵan sıstema Aqjoldyń ómirin toqtatty, - deıdi anasy. Qan toqtamaı, sábı qansyrap qaıtys bolǵan. Al kóz jumǵan Aqjoldy emdegen dáriger balanyń jaǵdaıy qatty aýyr bolǵanyn aıtyp otyr.

VLADIMIR KIM, Dáriger-anestezıolog:

- Bala aǵzasynda ınfeksıa boldy. Ol sony kótere almady. Tipti balada tyryspa da boldy. Aýrý asqynyp, mıda isiktiń  paıda bolýyna ákeldi. 

1,5 jastaǵy uldarynyń ólimi ata-ana júregin qanjylatty. 10 jyl boıy kútip, armandaǵan sábılerinen biraq sátte aıyrylyp qalǵandaryna áli de sene alar emes. Tamyrǵa salynǵan sıstema kezinde dáriger, ne bolmasa medbıke otyrǵanda mundaı jaǵdaı bolmas edi deıdi. Jansaqtaý bóliminde jatqan balaǵa durys den qoımady. Esesine sıstemany salyp, ózderi jáıbaraqat sháı iship otyrdy deıdi Aqjoldyń anasy. Endi sháı ishken mamandarǵa shara qoldanamyz deıdi bas dárigerdiń orynbasary.

ǴANI AǴYBAEV, Kóksý aýdandyq aýrýhanasy bas dárigeriniń orynbasary:

- Áke-sheshesi aıtty qaıtys bolǵan balanyń, sizder sháı ishipsizder. Bolǵan smendi aıtamyz. Túsinikteme berińder. Shara qoldanamyz. 

Al ata-ana dárigerdiń balaǵa qoıylǵan mynandaı dıagnozymen úzildi-kesildi kelispedi.

ǴANI AǴYBAEV, Kóksý aýdandyq aýrýhanasy bas dárigeriniń orynbasary:

- Porajenıe sentraloı sıstemy, toksoplazma, tumaý tıgen. Ókpesinde de. Oń jaǵynda. Aqaý bar.