Prokýrorlardyń shuǵyl tekseristeri nátıjesinde, múgedekter men naýqastarǵa degen nemquraıly áreketter áshkere boldy. Ony ózge emes, sol qarttar úıiniń qyzmetkerleriniń ózderi uıymdastyrǵan, dep habarlaıdy Evrazıa birinshi arnasy.
Budan ózge, qarıalar tegin beriletin jańa kıim-keshekterdiń ornyna, qaıtys bolǵan pasıentterdiń eski-qusqy kıimderin kıip kelgen.

Boıyn ábden úreı bılegen ájeı, jyldar boıy shyndyqty ishine buǵyp kelipti. Mekeme qyzmetkerleri jaıly teris pikir aıtýdan jasqanady. İshtegi syrdy tek tekserispen kelgen prokýrorlardyń birine ǵana jaıyp saldy.

Biraq, mekeme qyzmetkerleriniń aıtary basqa. Ózderine baǵyttalǵan synmen kelispeıdi. Aıtýlarynsha kókónisterdiń bári de jeýge jaramdy. Sondyqtan da dál osy azyq-túlikterden aýyr naýqastarǵa túrli taǵamdar ázirlenip kelgen.

Eń soraqysy, «as úı» dep atalatyn bólmeden kemirgishterge arnalǵan Ý, al taǵamdarynan ishek taıaqshalary tabyldy. Zertteý qorytyndylaryna sáıkes, barlyq pasıentter astan ýlanǵan bolyp shyqty. Biraq, naýqastardyń birine de der kezinde qajetti em-shara taǵaıyndalmaǵan. Mekeme basshylary osylaısha, múgedekterge tıesili dárilik zattar esebinen qarjy únemdemek bolǵan. Al, aýrýy asqynyp, qaıtys bolǵan qarttarǵa qatysty derekter búginge deıin jabyq kúıinde qalǵan.

«Qaıtys bolǵandyǵy týraly anyqtamany múgedekter úıiniń ózderi daıyndaıdy. Munda kóz jumǵan marqumdardyń  eshbirine ólim sebebin anyqtaıtyn sot-medısınalyq saraptama júrgizilmegen. Osylaısha, kez kelgen qylmys jabýly kúıinde qalyp kelgen» — Oblystyq prokýratýra basqarmasynyń basshysy Sábıt Shembekov.

Internat jetekshisi mekemege taǵylǵan aıyppen kelispeıdi. Aıtýlarynsha, jaǵymsyz jaıttardyń bári dárigirler qateliginen bolǵan. Sondaı-aq, jalaqy tómendigine baılanysty bilikti mamandar tapshy kórinedi. Sondyqtan «aq halattylardyń barlyǵy «tájirıbesiz stýdentter» — deıdi.

«Bárine dárigerler kináli. Bizde aq halattylar óte tapshy. Psıhıatr, nevropatologtar jarty stavkaǵa ǵana keledi.Aqyr sońynda oqýdy jańadan bitirgenderdiń biliksizdigi úshin mekeme jetekshisi retinde men kináli atanyp shyǵa kelemin» — psıhonevrologıalyq ınternattyń dırektory Gúlsara Egenbaeva.

Densaýlyq saqtaý jáne áleýmettik damý mınıstrliginiń málimetinshe, psıhonevrorgıalyq ınternattar pasıentterdiń barlyq turmystyq qajettilikterin oblystyq búdjet esebinen qamtamasyz etýi tıis. Buǵan qosa, naýqastarǵa estý apparattary, kózildirik jáne ortopedıalyq ónimder tegin berilýi qajet. Degenmen, baqylaý organdarynyń bul tekserisinen soń birqatar qyzmetkerler jazasyn aldy. Oblys boıynsha áleýmettik-medısınalyq mekemelerdiń 18 jetekshisi qyzmetinen bosap, 73 adam jazasyn aldy. Buǵan qosa, olqylyqtardy retteý maqsatynda búdjetten 2 mlrd teńge bólinbek.