Atyraýǵa, Raxymjan Otarbaevtyń teatr festıváline barǵan kezde ǵoı. Qonaqtardyń birazy jaıǵasqan «Qazaqstan» qonaqúıinde tańǵy as iship otyrǵanbyz. Esmuhan Obaev dastarhan basyndaǵylarǵa bir suraq qoıdy: «Bári «GAI» -ge para beredi ǵoı, al sol jol polısıasynyń ózinen para alǵan jalǵyz adam bar. Bilesińder me kim?» Bárimiz qyzyǵa sonyń aýzyna qarap qalyppyz. Sóıtti de ózi áńgime bastady: «Bir kúni Asekeń (Ashımov) ekeýmiz jolǵa shyqtyq, meniń máshınemmen. Ol aldynda otyrǵan. Shymkentke 10 km-deı jetpeıtin jerde bolsa kerek, «gaıshnık» toqtatty. Shopyr jigit qujattaryn alyp túskeli jatyr edi, Asekeń "Túspe, ózi kelsin!" dep shyǵarmaı qoıdy. Sodan ana «gaıshnık» keldi, zińgitteı dáý bireý eken, daýsy gúrildep endi famılıasyn aıtyp «chest berip jatqanda Asekeń: -Áı, ne boldy, ákeń óldi ma?- dep jekip tastady. (Asanáli aǵaıdyń daýsy da zor ǵoı - A.S) 
Ana dáý shoshyp ketti. Asanáli Áshimovty bir jerden kórgenin biledi. Tanys júz. Tek naqty esine túsire almaı eseńgirep turdy da qaldy. Endi «Aǵa» deı berip edi, Asekem qaıtadan: - Aǵany qoı, «po doljnostı»! Búgin qansha aqsha taptyńdar? Kórip kele jatyrmyn, meniń aldymda úsh máshıne toqtattyń. - dep tyǵyryqqa tirep tastady.

Aqtala almaı sasqan «gaıshnıgim»: - Mine, bary 1500 teńge ǵana. Basqa joq aǵa. - Ákel beri, - dep Asekeń alyp qoıdy da, - Anaý artta oqýshylar mingen avtobýsty toqtatpa, ishinde meniń nemerelerim bar. Qaıta «Soprovojdenıemen» aparyp tastańdar! -dedi. - Qup bolady, aǵa-ny aıtyp úlgerip eseńgiregen kúıde anaý qaldy.

Sóıtip júrip kettik. Asekeń maǵan kúlip qarap: - Kórdiń ba, barlyǵyń «GAI» - ge para beresińder, al «GAI» -den para alǵan jalǵyz adam Ashımov!» dep jazyp qoı, - dedi».
Esmuxan aǵanyń ádemi esteligine bárimiz dý kúldik. 

Abaı Tilenshıevtiń facebook paraqshasynan alyndy