Ýkraınanyń Joǵarǵy radasy spıkeri Andreı Parýbıı depýtattardy parlamentte tek ýkraın tilin qoldanýǵa shaqyrdy dep jazdy BBC orys qyzmeti.  

«Barsha halyq depýtattaryn memlekettik tildi qurmetteýge ári Joǵarǵy rada minberinen tek Ýkraın tilinde sóıleýdi talap etemin», - dedi ol.

Ol bulaı dep talap eter aldynda «opozısıalyq bloktyń» ókili Natalıa  Korolevskaıa zeınetaqy týraly zań jobasynda oryssha sóılegen.

Korolevskaıa sózin orys tilinde jalǵastyrǵan, al qalǵan depýtattar spıkerdiń sózin qoldaǵan.

Sálden soń «opozısıalyq bloktyń» taǵy bir ókili Aleksandr Doljenkov oryssha sóılegen. Parýbıı bolsa oǵan eskertý jasaǵan. «Konflıkt joq jerde jasamańyz, Ýkraınada jalǵyz ǵana memlekettik til bar, bul ýkraın tili», - degen spıker óz sózinde.

Qańtar aıynda Rada «Memlekettik til» týraly zańdy qabyldaǵan. Oǵan saı barlyq memlekettik bılik oryndarynda jáne qoǵamdyq ómirde, sondaı-aq BAQ memlekettik tildi qoldanýy tıis.  Zań buzylǵan jaǵdaıda aıyppul salynady. Al, resmı túrde kóptildik engizýge tyrysqandarǵa qylmystyq aıyp taǵylady.  

Ýkraınada áli kúnge deıin «Memlekettik til saıasaty týraly zań» qoldanylyp keledi. Oǵan saı, aımaqtarda halqynyń 10% úlesi orys bolǵan jaǵdaıda orys tili óńirlik til retinde qoldanylady. Ýkraına bıligi bul zańnyń kúshin joıýǵa áreket etip jatyr.

2011 jyldyń jeltoqsanynda Kıev aýdandyq ákimshilik soty Joǵarǵy radada orys tilin qoldanýǵa tyıym salmaı qoıǵan. Ol kezde Ýkraına prezıdenti Vıktor Ianýkovıch bolǵan.