Qazaqstandyq kásipqoı boksshy Janat Jaqıanov jeńil salmaqta WBA (Super) jáne IBO chempıondyq ataqtaryn jeńip aldy. Otandasymyz AQSH-ta ótken jekpe-jekte Roýshı Ýorrendi utty dep habarlaıdy vesti.kz.

Janat jekpe-jekti sátsiz bastady. Birinshi raýndta-aq eki ret nokdaýn alyp qaldy. Úshinshi raýndtan bastap judyryqtasý mánerin aýystyryp, qarsylasyn qyspaqqa ala bastady. Kezdesý 12 raýndqa sozyldy. Nátıjesinde tóreshiler qazaqstandyq boksshyny jeńimpaz retinde tanydy.

Aıta keteıik, Janat Jaqıanov jekpe-jekke WBA júıesi boıynsha ýaqytsha chempıondyq ataqpen shyqqan edi. Kezdesý qorytyndysy boıynsha otandasymyz 30 myń AQSH dollaryn, al amerıkalyq boksshy bes ese kóp syıaqy alady.

Janat Jaqıanov kásipqoı boksta 28 jekpe-jek ótkizgen. 26 márte qarsylasynan basym tússe, bireýinde ǵana ese jibergen. Otandasymyz bir jyl boıy jaraqatyna baılanysty jekpe-jek ótkize almaǵan bolatyn.