Qańǵybas ıt týǵan anasy tastap ketken balany qutqaryp alady. Bul jolǵy oqıǵa Argentınada, Vırreı-del-Pıno qalasynda boldy.

33 jastaǵy áıel bir aılyq balasyn dalada tastap ketken.

Túnde aýa temperatýrasy 0 gradýstan tómendeıdi, sondyqtan kishkentaı náreste tońyp, shetinep ketýi múmkin edi.

Baqytyna oraı balany tastap ketken jerde qańǵybas ıt júrgen eken. Jergilikti turǵyndar ony Pýtı dep atap ketken.

Pýtı óziniń kúshikterimen birge balany túni boıy jylytyp, balany aman alyp qalady.

Tańerteń jylaǵan balanyń daýsyn estigen turǵyndar baıqap qalyp, ony dereý aýrýhanaǵa jetkizedi. Balanyń ómirine eshqandaı qaýip tónbegen eken.

Tasjúrek «anany» polısıa tutqynǵa aldy.

Al, ıt ekesh ıttiń ózi tiri janǵa meıirim tógedi. Qatygez, tas baýyr "analar" qaıda ketip barady?!