«Atameken» Ulttyq kásipkerler palatasynyń İsker áıelder Keńesi 2016 jylǵy jumys qorytyndysy boıynsha esep berip, aldaǵy ýaqytqa arnalǵan josparymen bólisti dep habarlaıdy qamshy.kz.
Ortalyq komýnıkasıalar qyzmetinde ótken brıfıńke «Atameken» UKP Tóralqa Tóraǵasy Hatshylyǵynyń jetekshisi İsker áıelder keńesiniń tóraıymy Lázzat Ramazanova, «Asyl Arman» JSHS dırektory, Ońtústik Qazaqstan oblysy Óńirlik isker áıelder keńesiniń tóraıymy Alma Arhabaeva, «Terıtorıa dızaına deSali» stýdıasynyń, «Coffee & People» JSHS dırektory, Mańǵystaý oblysy Óńirlik isker áıelder keńesiniń tóraıymy Sáýle Salıhova jáne «DELUXE» jýrnalynyń bas redaktory Qaraǵandy oblysy Óńirlik isker áıelder keńesiniń tóraıymy Álıa Sadyrbaeva qatysty.
«Qazaqstan áıelderiniń ómirlik ustanymy kún saıyn belsendi bolyp kele jatqanyn kórip otyrmyz. Bıznes jaıynda aıtqanda, kásipkerliktegi áıelder úlesi aıtarlyqtaı ósti. Sandardy sóıletsek, búginde kásipkerliktegi áıelderdiń úlesi shamamen 50%, al memlekettiń JİÓ quraýdaǵy salymy – 40%. Mundaı jaqsy kórsetkishter Elbasynyń júrgizip otyrǵan saıasaty men memlekettik qoldaýdyń arqasynda oryn alyp otyr», – dedi İsker áıelder keńesiniń tóraıymy Lázzat Ramazanova.
Onyń aıtýynsha, Kásipkerler palatasy 2016 jyly alǵash ret pılottyq rejımde Qazaqstannyń 6 óńirinde bıznesti mıkronesıeleý baǵdarlamasyn iske qosty. Aqtóbe, Almaty, Jambyl, Qyzylorda men Mańǵystaý oblystaryndaǵy Óńirlik keńester osy jobanyń júzege asyrylýynda belsendi jumys atqaryp keledi.
Bızneske servıstik qoldaý kórsetý boıynsha ótken jyly áıelderge 18 myń qyzmet kórsetilgen. Aqparattyq qamtamasyz etý boıynsha monoqalalar men aýdandarda 45 myńnan astam áıelderge maǵlumat berilgen. Sonymen qatar, «Bıznes-mektep» qyzmeti aıasynda 80 myń áıel oqytylǵan.
Qazaqstan azamattarynyń 9 128 098 (52%) sany áıelder. Olardyń ishinde 16 jastan 62 jas aralyǵynda eńbekke jaramdylary – 5 323 439 (50%). Al shaǵyn jáne orta kásipkerlikti 697 355 (42%) áıel basqarady. «Atameken» UKP 17 666 kásipker áıelge servıstik qoldaý kórsetse, 45 501 áıelge aqparattyq qoldaý jasady.
«İsker áıelder keńesiniń jumysynan kóptegen mysaldar keltirýge bolady. Onyń ishinde Shyǵys Qazaqstan oblysynda jalǵyz usta áıel Svetlana Koshelevanyń isi aıryqsha mysal bola alady. İsker áıelder keńesiniń Kókpekti aýdanyndaǵy bólimshesiniń belsendi jumysy men qoldaýynyń arqasynda «Jumyspen qamtýdyń jol kartasy–2020» baǵdarlamasy aıasynda 2 mıllıon somasynda nesıe alyp, óziniń shaǵyn sehyn ashyp, temirde soǵylǵan 10 túrli buıym daıyndaıdy. Mundaı sheberlik eskerýsiz qalmady. Sheberler «Jańa ónim» atalymymen marapattalyp, syı-syıapattarǵa ıe boldy», – dedi Lázzat Ramazanova.
Brıfıńte atqarylǵan jumystardyń esebin bergen isker hanymdar aldaǵy jylǵa arnalǵan jumys josparymen tanystyryp, barlyq isker-áıelderdi birigýge shaqyrdy.
