Ǵalamtorda álemdegi eń tolyq áıel Úndistanǵa emdelýge barady degen aqparat tarady. Egıpette turatyn Iman Ahmad Abdýlatı esimdi áıeldiń salmaǵy 500 keli. Mýmbaı qalasynda oǵan operasıa jasap, qarnynyń jarty bóligin alyp tastaıdy.

Áıel ınsýlttan keıin aman qaldy. Sonymen qatar óz betinshe qımyldaı almaıdy. Mýmbaıǵa ony arnaıy júk ushaǵymen jetkizedi.

Onda ol birneshe aı emdeledi. Osy ýaqyt aralyǵynda oǵan operasıa jasalyp, basqa da tekserý jumystary júrgiziledi. Barlyq  shyǵyndy áıelge qol ushyn berýge ýaǵdalasqan adamdar óteıdi.  

Álemde artyq samaqtan aryla almaı júrgen nemese kerisinshe salmaq qosa almaı júrgender kóp. Máselen Djon Mınnohtyń 1979 jyly resmı tirkelgen salmaǵy 635 keli. Ony basqa qyryna aýdarý úshin 10 adamnyń kúshi kerek. Er adam 42 jasynda qaıtys boldy.

Djeremı Gıllıtser 2010 jyly 38 jasynda dúnıe saldy.  Ol 25 jyl anoreksıamen aýyrdy. Óler aldynda Djeremıdiń salmaǵy 30 keli bolǵan.

Meksıkalyq Manýel Ýrıbeniń salmaǵy 590 keli boldy. Manýel qalyńdyǵy úshin 187 kelige salmaq tastady. Ol 48 jasynda qaıtys boldy.

Valerıa Levıtına 39 jasynda 25 keli bolǵan. Ol anoreksıamen aýyryp kóz jumdy. Ómir boıy Valerıa artyq salmaqtan arylý úshin dıetada otyrǵan.

Kerol Enn Iager medısına tarıhyndaǵy eń tolyq áıel. Keroldyń salmaǵy 544 kelige jetken edi. Ol 1994 jyly qaıtys boldy.

Pol Meıson 305 kelige aryqtaǵannan keıin onyń 21 keli terisin kesip aldy. Qazir ol qaıta salmaq qosty. Onyń salmaǵy 157 keli. Desek te, burynǵy 445 kelimen salystyrǵanda álde qaıda jaqsy.

Meksıkanka Izabel Karonyń boıy 163 sm bolsa da salmaǵy  28 keli boldy. Áıel 2010 jyly qaıtys boldy.

Keıt Martınniń salmaǵy  440 keli boldy. Onyń iri malǵa arnalǵan apparatqa túsken rentgen sýreti halyqty tań qaldyrǵan.  

Kel Tonı Stafford óte sırek kezdesetin genetıkalyq aýrýǵa shaldyqqan. Onyń denesine maı jınalmaıdy. Qazir onyń salmaǵy 33 keli. Ol Paralımpıadaǵa jıi qatysady.

Maıkl Hebranko burynda 411 keli boldy. Dıeta ustap, fızıkalyq jattyǵýlardy jasap jáne operasıadan keıin onyń salmaǵy 90 kelige deıin tómendedi. Alaıda ol 7 jyldyń ishinde qaıta 453 kelige deıin salmaq jınady.  Al 1999 jyly 500 kelige deıin jetti. Sol kezde Maıkl ózin qaıta qolǵa alyp  80 kelige aryqtady. 2013 jyly Maıkl qaıtys boldy. Ol kezde onyń salmaǵy 250 keli boldy.

Ioana Spangenbergtiń salmaǵy 38 keli. Al beli 50 sm. BAQ ony «tiri qum saǵat» dep ataıdy.

Súzanna Emannyń salmaǵy qazir 225  keli. Osyǵan qaramastan ol álemdegi eń tolyq áıel bolýdy armandaıdy. Sol úshin kóp tamaq jeıdi eken.