Túrkistandyq Názıra Rústembaevanyń ǵajaıyp taǵdyry kúlli dúnıe júzi ǵalymdaryn aıaǵynan tik turǵyzdy. Tipti, mamandar 4 jasynda uıqyǵa ketken qazaq qyzynyń 20 jasynda oıanýyn áli kúnge deıin túsine almaı keledi. Tashkenttiń ǵylymı zertteý ortalyǵynda 16 jyl boıy arnaıy tútikshemen tamaqtanǵan Názıra uıqyda jatqandaǵy sezimin qazaq eline endi jetkizgen, dep habarlady ınformbúro jańalyqtar qyzmeti.

Alǵashynda Názırany basynan kún ótti degen dıagnozben aýrýhanaǵa jatqyzady. Birneshe kún boıy esin jımaǵan soń 4-jasar búldirshindi óldige sanap, ata-anasy jer qoınyna tapsyrady. Jerleý rásiminiń erteńinde atasy túsinde nemeresiniń tiri ekenin jetkizgen aıan alǵanyn aıtady. Alaıda, qabirden qazyp alynǵan qyzdyń oıanýy qıynǵa soqqan.

Uıqyda jatqandaǵy sezimin Názıra baıandap berdi:

«Men uıyqtap jatqan kezde kádimgideı tús kóretinmin. Únemi uıyqtap jatqan qyzdyń beınesi kóz aldyma elesteıtin. Sol kezde sol jannyń ózim ekenin de sezdim. Órik-alma aǵashtarynyń kóbeıgen kezdegi ıisi murnyma keletin».