AQSH-tyń Ońtústik Karolına shtatynda turatyn Janna Sımmonsty qazir medısınanyń ǵajaıyby dep ataıdy. 14 jastaǵy jasóspirim qyz óziniń jaramsyz júregin aýystyrý úshin 4 aıdan astam ýaqyt júreksiz ómir súrdi. Sımmons dılatasıalyq kardıomıopatıa keseine shaldyqqan. Iaǵnı, júregi álsiz ári kamerasy úlkeıip ketken. Sonyń kesirinen denesine qandy tolyq aıdaı almaıdy dep jazady halyknews.kz.

Maıamıdegi balalar aýrýhanasynyń hırýrgtary 2008 jyldyń 2-shildesinde aldyn-ala júregin aýystyrý operasıasyn ótkizdi. Biraq jańajúrek jumys istemeı qaldy da, ony dereý alyp tastady. Janna bolsa júreksiz ómir súre berdi. Onyń qanyn qoldan, nasos arqyly aınaldyryp otyrdy. Balalar kardıhırýrgıasynyń dırektory doktor Rıchchı «Janna 118 kún júreksiz tósekke tańylyp jatty. Onyń qanyn qoldan jasalǵan eki nasos aýnaldyryp otyrdy», – deıdi.

Tósekte jatqan tórt aı jas qyzdyń aǵzasyna ońaı tıgen joq. Osynshama ýaqytta búıregi men baýyry zaqymdanyp, asqazanynan qan ketti. Qazan aıynda donor tabylyp, operasıa sátti ótti. Jańa júrek jas qyzdyń aǵzasyna tez beıimdeldi. Bul medısına tarıhynda buryn-sońdy bolmaǵan oqıǵa edi.