Kóktemmen birge keletin eń shýaqty merekeniń aýyly alys emes. Arýlar, asyl jandarǵa dep qushaq-qushaq gúl tasıtyn, ıdeal ómirdiń úlgisindeı bolatyn sol bir kúnniń kelýine kóp qalmady dep jazady massaget.kz.
Osyǵan oraı, 8 naýryz – Halyqaralyq áıelder kúnine qatysty qyzyqty derekter tizimin usynyp otyrmyz.
1. 1910 jyly Kopengagen qalasynda ótken Halyqaralyq sosıalıs áıelderdiń konferensıasynda Klara Setkın 8 naýryz kúnin Halyqaralyq áıelder kúni merekesi etip jarıalaýdy usyndy jáne de óz quqyqtary men teńdik úshin kúresýge shaqyratyn úndeýin oqydy. Bul úndeý dúnıejúziniń kóptegen eliniń áıelderinen qoldaý tapty. Olar tek óz quqyqtar úshin kúresýdi ǵana emes kedeıshilikke, eńbek etý quqyǵy men ar-namystyń taptalmaýyna jáne de beıbitshilik úshin kúresetinderin bildirdi.
2. Buryn KSRO quramynda bolǵan elderde 8 naýryz merekesiniń sımvoly bolyp mımoza gúli esepteledi. Biraq, shyntýaıtyna kelgende atalǵan meıramdy toılaıtyn kóptegen el úshin Áıelder kúniniń sımvoly – qyzǵaldaq.
3. Bul mereke Ejelgi Rımde de toılanǵan bolyp shyqty. Olar da bul kúni názik jandylarǵa syı tartyp, quttyqtaýlaryn jetkizedi eken. Ádette mundaı qurmetke bıleýshilerdiń jubaılary ǵana ıe bolǵan. Al, quldyqtaǵy áıelderge resmı demalys taǵaıyndalyp otyrǵan.
4. 1950 jyly 8 naýryzda KSRO atom bombasy bar ekenin jarıalady.
5. Kapıtalısik elder 8 naýryzdy mereke dep moıyndaǵan joq. Áli de solaı. Biraq kóp elde, atap aıtqanda: Amerıkada – «Analar kúni», Fransıada – «Ájeler kúni», Japonıada – «Qyzdar kúni» degen bar. Olar jaz aılarynda toılanady.
6. Qazir 8 naýryz Qazaqstan, Armenıa, Ázirbaıjan, Aýǵanystan, Belarýs, Býrkına-Faso, Vetnam, Gvıneıa-Bısaý, Grýzıa, Zambıa, Kambodja, Qyrǵyzstan, Kırıbatı, Qytaı, Kosta-Rıka, Kýba, Laos, Madagaskar, Moldova, Mońǵolıa, Nepal, Reseı, Serbıa, Tájikstan, Túrkmenstan, Ýganda, Ózbekstan, Ýkraına, Horvatıa, Chernogorıa, Erıtreıa, Latvıa syndy álem elderinde atalyp ótedi.
7. Madagaskarda 8 naýryz kúni tek áıel adamdar ǵana demalady eken. Al Qytaıda múldem demalys kúni dep bekitilmegen. Bizde bolsa, bul kún resmı túrde demalys kúni dep 1966 jyly jarıalandy.
8. Atalǵan meıram ony toılamaıtyn elderde basqa merekelerge sáıkes keledi. Mysaly, Sırıada 8 naýryz – Revolúsıa kúni, Zambıada – Jastar kúni, Malaızıada – Sultan kúni, Lıberıada – Soǵysta baqılyq bolǵandardy eske alý kúni.
