Elimizdiń eń qart turǵynynyń jasy búgingi kúni 115-te. Ǵasyrdan da uzaq ǵumyr keshken keıýananyń densaýlyǵy birqalypty. Ózdiginen júrip-tura alady. Qımyly da shıra, oıy da sergek. Sanaýly jaldardan keıin qostanaılyq Marfýǵa Seltetkenovanyń esimi Gınnes kitabyna ǵalamsharymyzdyń «Eń qart turǵyny» esebinde jazylýy múmkin, dep habarlaıdy «Qazaqstan-Qostanaı» telearnasy.

3-naýryz kúni 115 jas mereıtoıyn qarsy alǵan Marfýǵa ájeıdiń júregine áli de ájim túspegen. 112-ge tolǵansha 5 ýaqyt namazyn qaza qylmapty. lt-azattyq kóterilis, náýbet pen soǵys jyldarynyń kýási bolǵan keıýananyń tuńǵysh qyzy 97 jasta. Óskemen shaharynda turady. Kelini 93-te.  115-tegi el anasynyń kútimi, altynshy qyzy Jibektiń enshisinde.

Qazaqstandaǵy eń qart turǵynnyń 1902 jyly, 3-naýryzda týǵanyn rastaıtyn tólqujattaryn da óz kózimizben kórdik. Kórdik te, ǵajaıypqa eriksiz sendik. Onynshy múshel jasqa aıaq basqan qart ana shóbere-shópshek turmaq, jetinshi urpaǵy nemenesiniń alaqanynan sý ishken. Bir áýlettiń máýeli báıteregi barsha qazaq eline óziniń aq batasyn berdi.

Alla aýzyna salǵan shyǵar asyl áje «150 jasaýǵa ál-dármenim jetedi», - dep qaldy. Gınnestiń rekordtar kitabyna engen álemdegi eń uzaq jasaǵan áıel Osakalyq Mısao Okava Japon elinen shyqqan. Al, qostanaılyq ǵasyr-ana japondyq kempirdiń rekordyn jańartatyndyǵyna senimdi. Óıtkeni, Marfýǵa ájeıdiń anasy 123 jasynda dúnıeden ozǵan. Biz de Marfýǵa ájeıge shýaqty da uzaq ǵumyr tiledik!