Aǵylshyn tilin bilmeıtin ustaz ǵalym emes, sebebi ol óz oıyn ǵylymı ortaǵa sala almaıtyn qarabaıyr bilgir. Skype-pen aǵylshyn, pákistandyq, úndiler, arabtarmen (22 memleket) kúnde delik sóılesemin. Aqparattyń, kerekti derekterdiń birin solardyń áńgimesinen keıin google arqyly alamyn. Sheteldiktermen áńgime izdenýge ımpúls. Tipti orystarmen, ázirbaıjandarmen  de tek aǵylshynsha sóılesemin, nemerelerim de olarmen aǵylshynsha sóılesedi, oryssha paıdalanbaıdy. Jaqynda Marokkonyń qyzy meniń Maǵýn súresindegi oqyǵandaǵy qatelikterimdi túzedi. Arabtar týraly eki kitap shyǵardym, kóp derekterdi, aldymen, arabtardyń áńgimelerinen keıin aldym. Máselenkı, árbir arab memleketiniń óz kórnekti qaıratkerin arabtardyń ózi atady, keıin men olarmen aǵylshyn tilinde sol tarıhı personalardy talqylap shyqtym. Keıbir faktorlardy, máselen, berber faktoryn, arabtar memleketerindegi kúrd faktoryn solardyń aıtýynan keıin izdendim. Olar maǵan meniń dáristerime derek berip otyrady. Máselen, Qytaı týraly dáriste derekterdiń negizi men ózim ınternetten alamyn, ekinshi bóligin qytaı jigiti maǵan vıdeojazba arqyly beredi. Men onyń bergen deregin dáriste qazaqshaǵa aýdaryp, stýdentterge dáriste oqyp beremin. Sol sıaqty Úndistan, Pákistan  týraly, al arabtar týraly men óz shyqqan kitaptarymnan beremin. Árıne, basqa elderdi sıpattaýda men óz pikirimdi de qosamyn. Kóptegen sol elderde men bolǵanmyn, fotosýretterim de bar. Biraq stýdentter aǵylshyn jáne arab tilderinde jańa ǵana aıtylǵan aqylǵa kóbirek senedi. Condyqtan Nazarbaev aıtqandaı joǵary oqý ornynyń oqytýshysy aǵylshyn tilinde erkin bilýi tıis. Bir shet til azdyq etken soń arabshamdy qosamyn, sol tildi damytý úshin arabtarǵa jalynamyn, esesine olardy aǵylshynsha tegin oqytamyn. Ár ǵalym jaqsy ustaz bolý úshin kóp memleket aralaýy kerek. Men  ǵylymı ortalarda úsh-tórt kúnnen keıin kózge túsemin, olar meni suraı bastaıdy: siz qaı ýnıversıtet tamadadyńyz dep. Men Abaı atyndaǵy QazUPÝ ýnıversıtetin bitirdim, ol ortasha ýnıversıtet degenimde olar sizdiń eldiń ǵylym-bilim isi bıik deńgeıde eken deıdi. Bizdiń memlekettik deńgeıimiz is júzinde kóptegen elderden kóp bıik ekeni ras.