«QR Tuńǵysh  Prezıdenti – Elbasy Qorynyń» qoldaýymen  "Kobyzbook"  jobasy júzege asty dep habarlaıdy qamshy.kz. Iaǵnı qobyzshylarǵa jáne qobyzsúıer qaýymǵa  arnalaǵan uıaly telefon qurylǵysy jáne saıt - qazaq halqynyń dástúrli mýzyka ónerindegi  eń alǵashqy  ınovasıalyq  oqý quraly.

Bul elektrondy oqý quralynda:

-qobyz aspabynyń  shyǵý tarıhy,

 «qobyz» ataýynyń mán-maǵynasy,

-jasalýy,

 -zerttelýi,

 -qobyzdy ustaý, tartý, qoldardyń durys qoıylýy jaıynda mol maǵlumat berilgen.

Sondaı-aq,  Qorqyt, Yqylas, Ábikeı, Nyshan, J.Qalambaev, D.Myqtybaev jáne t.b. qobyz óneriniń iri ókilderi men qazirgi zaman qobyzshylarynyń shyǵarmashylyǵy týraly tyń derekter jınaqtalǵan.

-júz seksenge jýyq  qobyz kúıleri toptastyrylǵan;

--sol kúılerdiń ańyzdary men shyǵý tarıhy jazylǵan;

-jıyrmadan astam qobyzǵa laıyqtalǵan dombyra kúıleri qosylǵan;

- buryn-sońdy qobyzda oryndalmaǵan halyq jáne halyq kompozıtorlarynyń ánderi engen.

-ár týyndynyń notasy kórsetilgen;

-ár týyndyǵa qatysty beınezatyndar  qosarlanǵan;

-ár týyndynyń aýdıonusqalary da berilgen;

-Ár týyndyny oryndaýǵa arnalǵan oryndaýshylyq-ádistemelik nusqaýlar aıtylǵan,ı kórsetilgen..

"Kobyzbook" - orta jáne joǵary oqý oryndarynyń oqýshylary men stýdentterine, jalpy qobyz aspabyna qyzyǵatyn jandarǵa arnalǵan elektrondy oqý quraly.

         Sonymen qatar, qazaqstandyq jáne sheteldik azamattar kez kelgen ýaqytta, álemniń kez kelgen jerinde júrip ǵalamtor kómegimen qazaq jáne aǵylshyn tilderinde berilgen osy elektrondy  oqýlyqty paıdalaný arqyly qobyz aspabyn úırene alady.

Bul elektrondy quraldyń bilim berý júıesindegi «Mamandyq», «Qylqobyzshylar ansambli», «Oryndaýshylyq sheberlik», «Týystas aspaptardy meńgerý» sıaqty pánderdi jańa ádistemelik zatyndarmen tolyqtyryp, oqý úderisin  jaqsartýǵa yqpalyn tıgizedi.

"Kobyzbook" - qazaq halyqynyń aspaptyq mýzyka mádenıetindegi qylqobyzǵa arnalǵan tuńǵysh elektrondy oqý quraly.

Ol sondaı-aq:

-  qobyz aspabyn meńgergen  ónerpazdardyń kásibı biliktiligin arttyratyn;

- zamanaýı tanym men talǵamǵa saı jasalǵan;

- sıfrly tehnologıanyń múmkindigin paıdalanýdaǵy zor ǵylymı-shyǵarmashylyq izdenis nátıjesinde dúnıege kelgen;

- álemde aǵylshyn tilindegi  eń alǵashqy elektrondy oqý quraly.