5 sáýirde QR Premer-Mınıstriniń Orynbasary – Aýyl sharýashylyǵy mınıstri Asqar Myrzahmetov jáne Syrtqy ister mınıstri Qaırat Ábdirahmanov Qazaqstandaǵy dıplomatıalyq korpýs jáne halyqaralyq bıznes qaýymdastyǵy ókilderine birlesken jıyn ótkizdi dep habarlaıdy "Qamshy" aqparattyq agenttigi QR ASHM Baspasóz qyzmetine silteme jasap.
Ótkizilgen is-sharanyń maqsaty – Elbasy tapsyrmasyna sáıkes jasalaǵan QR Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasynyń negizgi maqsaty men mindetterimen sheteldik áriptesterdi tanystyrý.
Syrtqy ister mınıstri Q.Ábdirahmanov óz sózinde AÓK-ti damytýdaǵy eksporttyq jáne ınvestısıalyq baǵyttarda eki vedomstvonyń qyzmetterin qosý jáne baǵyttaý úshin QR ASHM men QR SİM arasyndaǵy qol qoıylǵan birlesken is-sharalar jospary týraly aıtyp ótti. Sonymen qatar, mınıstr jańa jahandyq damý kezeńinde Qazaqstanda agroónerkásiptik sektordyń qarqyndy damýyna erekshe nazar aýdarylyp otyrǵandyǵyn aıtty.
QR Premer-Mınıstriniń Orynbasary – Aýyl sharýashylyǵy mınıstri Asqar Myrzahmetov óz sózinde dıplomattar men halyqaralyq bıznes qaýymdastyǵy ókilderine jańa Memlekettik baǵdarlamnyń iske asyrylýyna belsendi qatysýǵa shaqyrdy.
Sonymen qatar, Qazaqstanǵa Eýrazıada «nan kárzeńkesi» jáne ekologıalyq taza tamaq ónimderin óndirý boıynsha iri óndirýshilerdiń biri bolýǵa barlyq múmkindiktiń bar ekendigin atap ótti.
«Qazaqstannyń úshinshi jańǵyrýy: jahandyq básekege qabilettilik» atty Elbasy joldaýynda Qazaqstannyń ekonomıkalyq ósimine áser etetin agrarlyq sektor ekonomıkanyń jańa draıverine aınalýy úshin Úkimetke naqty tapsyrmalar qoıdy.
100 naqty qadam – Ult josparynyń bes ınstıtýsıonaldyq reformasyn júzege asyrý boıynsha aýyl sharýashylyǵyn damytýǵa baǵyttalǵan sharalar qarastyrylǵan. Investısıalyq klımatty jaqsartý maqsatynda QR Aýyl sharýashylyǵy mınıstrligi tarapynan Transulttyq kompanıalardyń qatysýymen Qazaqstannyń eksporttyq taýarlaryn álemdik naryqqa shyǵarýǵa baǵyttalǵan jobalardy jasaý jumystary júrgizilýde.
Búgingi tańda Tranulttyq kompanıalardyń qatysýymen 4 joba tańdap alyndy. Bul jobalar et, sút ónimderin óndirý jáne qaıta óńdeý jáne ósimdik sharýashylyǵy (qyzanaq pastasyn óndirý) salasynda júzege asyrylýda. Transulttyq kompanıalardan basqa, AÓK salasynda sheteldik ınvestorlardyń qatysýymen 40-qa jýyq jobalar bar. Investorlar basym bóligi RF, Germanıa, Túrkıa, Ýkraına, Ońtústik Koreıa jáne QHR, Fransıa memleketterinen.
Jalpy, memelekettik baǵdarlama boıynsha otandyq taýardyń eksporttyq áleýetin arttyrý jáne ishki naryqty tolyqtyrý qarastyrylǵan. 2021 jylǵa qaraı eksport kólemin 0,8-den 1,5 mlrd. dollarǵa arttyrý qarastyrylǵan.
A.Myrzahmetov Qazaqstanǵa shet memlekettermen iskerlik qatynasty damytý jáne nyǵaıtý múmkindigigin beretin strategıalyq qujattardyń mańyzdylyǵyn aıtyp, elshiler qoıǵan saýaldarǵa keńinen jaýap berdi.
Aıta keteıik, Azyq – túlik taýarlarynyń eksportyn 2021 jylǵa deıin 40%-ǵa arttyrý úshin ár jylǵa arnalǵan naqty ındıkatorlar belgilendi. (astyk 649-dan 715 mln.dollar, un 344-ten 414 mln. dollar, maıly daqyldar 111-den 383 mln. dollar, ósimdik maıy 40-tan 340 mln. dollar, sıyr eti 16-dan 193 mln. dollar, qoı eti 0,3-ten 30 mln. dollarǵaarttyrý). Aǵymdaǵy jyly un 344-ten 399 mln. dollarǵa, maıly daqyldar 111-den 175 mln. dollarǵa, ósimdik maıyn 39,5-ten 118 mln. dollarǵa, sıyr etin 16-dan 55 mln.dollarǵa arttyrý josparlanýda.
Pikir qaldyrý