Polıseı qyzmetkerleri qaıǵyly oqıǵaǵa qatysty tergeý jumystaryn júrgizdi. Nátıjesinde, balanyń ólimine baılanysty kýágerler tabylmady.

Bul týraly informburo.kz jańalyqtary habarlaıdy.

5 jastaǵy balanyń máıitin kórshileri sýǵa tolyp turǵan tundyrǵyshtyń ishinen tapty. Tótenshe jaǵdaı Aqmola oblysyndaǵy Selınograd aýdany Vozdvıjenka aýylynda 3 sáýir kúni oryn alǵan. Polıseı qyzmetkerlerine habar saǵat túngi 22.06-da kelip túsken.

«2011 jylǵy balanyń tundyrǵyshtan óli denesi tabylǵany jaıynda habar kelip tústi. Bala dop oınap júrip, aıaq asty joǵalyp ketken. Alaıda, ata-anasy polısıaǵa habarlamaı óz betterinshe izdeýge kirisken. İzdeý jumystaryna kórshileri de aralasty. Bir kórshisi saǵat 21.40 shamasynda sýǵa toly tundarǵyshtan balanyń máıitin taýyp alǵan», deıdi Aqmola oblystyq İİD ókili Gúlnár Pınchýk.

Bala batyp ketken túndyrǵysh birneshe ýaqyt boıy qoldanylmaǵan. Jerdiń qojaıyny ony kelesi jyly paıdalanbaq bolǵan, alaıda, qudyqtyń beti ashyq qalǵan. Sý kólemi 1,8 metrge deıin jetip qalǵan tundyrǵyshtan balany qutqarý múmkin bolmady.

Balanyń qudyqqa qulaǵanyn kórgen bir de bir kýáger bolmaǵan. Sondaı-aq, qudyqtan balanyń doby da tabylǵan. Soǵan qaraǵanda, bala qudyqqa túsip ketken dopty almaq bolyp qulap túsken deıdi turǵyndar.

Balanyń denesi máıithanaǵa jiberildi. Otbasynda qaıtys bolǵan Marattan bólek úlken uly bar.

Búginde qudyq salynǵan jerge baılanysty tergeý jumystary júrgizilip jatyr.