Sıam egizderi 200 000 qalypty sábıdiń arasynan 1 ret  paıda bolýy  múmkin. Jáne kóp jaǵdaıda mundaı balalar óli týylady.  

Brıttanı men Ebbı Hensel sıam egizderi. Olar saý týylyp qana qoımaı, búginde esh qıyndyqsyz ómir súrýde. Árıne, olardyń ómirin qalypty jaǵdaı dep ataý qıyn.

Qazir olar qarapaıym adamdar jasaı alatyn nárselerdiń bárin isteı alady. Sıam egizderiniń ómiri týraly qyzyqty aqparatty usynamyz.

Dene qurylysy

Ebbı men Brıttanı bir denede. Alaıda mańyzdy aǵzalary ár qaısysynda jeke-jeke bar. Mysaly júrek, mı, asqazan, ókpe, omyrtqa.

Baqylaý

Qyzdar denege baqylaýdy birge júrgizedi. Alaıda oǵan úırený úshin qyzdarǵa  biraz ýaqyt qajet bolǵan. Búgin qyzdardyń ár qaısysy bir qol men bir aıaqty baqylaıdy.

Júris

Ebbı tabanyn tolyq basyp júredi, al Brıttanı  aıaq ushymen júredi.

Qyzyǵýshylyq

Dárigerler qyzdardy bólgen jaǵdaıda ekeýi de tiri qala almaıtyn edi deıdi. Sondyqtan bul suraq múldem talqylanbaǵan.

Sıam egizderi týraly fılm de túsirilgen. Qyzdar 16 da bolǵanda olar týraly arnaıy fılm túsirilip, keıin shoýǵa aınalǵan.

Qyzdar óz denelerin óte jaqsy baqylaıdy.  Kólik aıdaýdy birge úırenip, júrgizýshi kýáligin alýǵa jeke-jeke test tapsyrǵan.

Talǵam

Qyzdardyń qyzyǵýshylyqtary men talǵamdary ár túrli. Betke boıaý jaǵatyn kezde ár qaısysy jeke qalaýlaryna júginse, kıimge kelgende bir sheshimge kelý qıynǵa soǵady. Ebbı matematıkany jaqsy kóredi, al Brıttanı bolsa fılologıaǵa jaqyn.

Qyzdar ýnıversıtet bitirip 2 dıplom alǵan. Qazir bastaýysh mektepte matematıkadan sabaq beredi. Alaıda eńbekaqyny bir adamnyń jumysyna alady.

Sıam qyzdar tanysýǵa, otbasyn qurýǵa qarsy emestikterin jetkizgen.

Olar óz deneleri, bolmystaryn qaz qalpynda qabyldaı alǵan. Kópshiliktiń nazarynda bolýǵa da úırenip qalǵan. Alaıda olar ómir súrgenderi úshin baqytty.

Daıyndaǵan: Sabına Ramazan