Hospıs- naýqastyń demi taýsylar kún jaqyn ekenin bile tura onyń tánı jáne jan qınalysyn jeńildetýge tyrysatyn áleýmettik qyzmet. Bul jerde adamdar kóz  jumady dese senbeńiz. Bul jerdegi  adamdar ózderiniń  morfınniń (aýrýdy uıyqtatatyn, aýyrǵanyn basatyn dári) kúshimen júrsgenine qaramstan   árdaıym kóńildi bolyp, ómirge esh ókpelemeıdi.  Aýrýhana asyna da narazylyqtaryn bildirmeıdi.

Bul jerdegi rak nemese qaýipti isikpen aýyratyn naýqastardyń saýsaqpen sanarlyq ǵumyry qalǵan.  Olar úshin ár kún 24 saǵattan da kóp.

«Bul aýrýdy bir ǵana sózben jetkizýge bolady: adam tózgisiz»

Standartty karton onkologıalyq ortalyǵy  qala syrtynda ornalasady. Aýrýhana esigi men qorshaý.  Bul jerge naýqastar birneshe saǵatqa ǵana keledi. Rak adam aǵzasyna óte tez  enedi. Aýrýdan emdelý uzaq , ári kóp jaǵdaıda sátsiz.

Dárigerler qoldaryna kelgendi istep baǵady. İsikti naýqas boıynan hırýrgıalyq quraldar arqyly kesip tastaýǵa tyrysady. Keıde hımıalyq em qoldanady. Radıasıa sáýlesimen adam boıyndaǵy zıandy jasýshalardy «kúıdirip» tastaýǵa tyrysady.  Budan da basqa jaǵdaılar kezdesip jatady. Denege jaıylǵan aýrý asqynyp, morfınniń kúshi áser etýden qalǵan rak aýrýynyń sońǵy kezeńindegi naýqasqa medısına kómektese almaıdy.

Rak aýrýynyń tórtinshi satysyndaǵy naýqastardyń jaǵdaıy adam tózgisiz ,dep málimdedi onkologıalyq dıspanser basshysynyń orynbasary.

Bul degen sóz naýqas óz áreketine jaýap bere almaıdy. Aýrýy asqynǵan sátte ne istep, ne qoıǵanyn bilmeıdi. Úıinde olarǵa kim kómektesedi? Týystary ma? Olarǵa kim morfın beredi? Kim dári egedi? Al týystary bolmasa she? dep óz kúıinishin jetkizdi.

Hospısta aýrýyna emi joq naýqastardyń aýrýyn basý úshin dáriler beriledi, rakpen aýyryp tósek tartyp qalǵan naýqastarǵa kútim kórsetiledi. Naýqastardyń kópshiligi 1 apta , al keıbiri tipti 1 kúnde dúnıeden ozady. Al keıbiri jyldar boıy hospısta kún keshedi. Bastysy ol kisiler tiri. Barlyq adamdar sekildi kútim men nazardy talap etedi.

«Meniń armanym qandaı? Meniń ómir súrgim keledi!»

Eki tósek, qysqa baǵana, teledıdar. Tósektiń birinde 50 jas shamasyndaǵy er adam aıaǵyn búktep ıegine taqap otyr. Janary bir núktege qadalyp, únsiz otyr. Demán esimdi naýqas buryn ýnıversıtette oqytýshy bolǵan. Kesel denesiniń barlyq bóligine taraǵan, rak súıekterine ótip, tiri ólikke aınaldyrǵan. Aýrýǵa berilgen naýqastyń aıaqtary óz denesin kótere almaıtyn halge jetken. Er adam kópten beri tósekten turmaǵan jáne stýdentteri bul kúıin kórmegenin qalaıdy.

Demánnyń qolynda kitap. Roman oqyp júrgenin aıtty. Aqyryndap ózi týraly, óziniń armandary men josparlary týraly aıtty. Saıasat pen ómir, aýa raıyn da sóz etti.

Demánnyń kórshisiniń jasy 59-da. Mamandyǵy boıynsha , Sergeı -geodezıashy. Bul naýqastyń hospısqa kelgenine bir jarym apta bolǵan. Saǵynyshpen terezege telmirip otyrǵan Sergeıge kúnine tórt morfınniń kúshi ázer jetedi. Rak súıegine ótip, tórt saǵat saıyn dári qabyldaýǵa májbúr.

Endi áıelder jaqqa be bursaq...

«Endi qandaı arman bar deısiń» dep kúrsindi  80 jastaǵy ájeı. Asarymdy asadym, jasarymdy jasadym. Sonda  da shóberelerimniń erjetkenin kórýdi armandaımyn. Aýrýǵa shaldyqtym, jasym da birazǵa keldi. Bizdiń bárimiz ólemiz..

Hospıstaǵy naýqastardyń kópshiliginiń otbasy bar. Jaqyndarynyń ortasynda baqytqa bólenip júrgenderdiń ózi de qaýqarsyz qalyp jatady. Emdelýshige únemi kútim qajet: ıne salý, jaıalyǵyn aýystyrý, jýyndyrý,t.b.

Eń kórqynyshtysy aıyqpas dertke kez kelgen adam dýshar bolýy múmkin. Aýrý aıtyp kelmeıdi.

Sondyqtan eshteńeni erteńge, keıinge ysyrmaı, armandarymyzdy oryndaýǵa asyǵaıyq.

Daıyndaǵan: Aıgerim Taýbaı