«Amerıka qalaı? Qazaqstan 50 jylǵa qalyp qoıǵan shyǵar?» Osy suraq sońǵy ýaqytta kóp qoıylyp júr. 

Damýdan qalǵany nemese ozǵany jóninde ýaqyt ólshemimen qalaı dálel keltirýge bolady? Degenmen, osy saýaldyń jaýabyna jaqyndaǵan sıaqtymyn.

AQSH táýelsizdigin 1776 jyly jarıalaǵan. Biz 215 jyldan soń egemendik alyppyz. 

 Sýrettegi aspaly kópir – Brýklın brıj. Qurylysy 1869 jyly bastalyp, 1883 jyly aıaqtalǵan.
Osy kezeńde Qazaqstanda handyq bılik joıylyp, bas kótergenniń basy alynyp, onyń sońy 1868 jyly búkil qazaq jeriniń Reseı ımperıasy memlekettik menshigine ótýimen aıaqtalady.

Kelesi sýret Empaır Steıt Bıldıngtiń ústinde túsirilgen. 102 qabatty ǵımarat 1931 jyly ashylǵan. Bir jyl bir aıda salynǵan. 1970 jylǵa deıin álemdegi eń bıik ǵımarat bolǵan. Qazir bıiktigi jóninen 34-orynda. Al bizde osy kezeńde halqymyzdyń jartysy asharshylyqtan qyrylyp qaldy, kóship-bosyp ketti.

AQSH jer kólemi boıynsha 4-orynda, Qazaqstan 9-orynda, adam sany boıynsha 3-orynda, biz 64-oryndamyz.

Amerıkany eki muhıt tolqynymen terbep jatyr. Bizdiń muhıtqa shyǵar jolymyz joq.

«Damý» degen kóbine ekonomıkalyq kategorıa. Sondyqtan Qazaqstan pálenshe jylǵa qalyp qoıdy dep aıtý qıyn. Joǵarydaǵy saıası, tarıhı, geografıalyq, demografıalyq jaǵdaılardy, odan bólek basqa da sýbektıvti-obektıvti jáıittardy eskersek, álemdik ishki jalpy ónim boıynsha AQSH ekonomıkasy bizden 8100 ese ozyp ketipti.

Shyńǵys Muqannyń Feısbýktegi paraqshasynan alynǵan