Qyrǵyzstan prezıdenti memlekettik is saparmen Máskeýge keldi. Bul týraly Qamshy aqparattyq agenttigi  Liter  málimettine  súıene otyryp habarlaıdy. 

19 maýsym kúni Reseı Federasıasynyń prezıdenti Vladımır Pýtın men Qyrǵyzstan prezıdenti Almazbek Atambaev beıresmı  kezdesý ótkizdi. Memleket basshylary eki el arasyndaǵy halyqaralyq  máseleler men ózara yntymaqtastyqty     talqylady.  Bul týraly  Reseı Federasıasynyń baspasóz-hatshysy  Dmıtrıı Peskov eki jaqty kelissózdiń negizgi bólimi búgin,  20-shildede  ótetindigin habardar etti.

Kelissóz barysynda Eýrazıalyq keńistiktegi halyqaralyq máseleler, ekijaqty yntymaqtastyq, sondaı-aq ıntegrasıalyq úderisterdi ilgeriletýdiń túrli aspektilerin talqylaý kózdelip otyr. 

Sondaı-aq  Qyrǵyzstan men Reseı arasyndaǵy odaqtastyq pen strategıalyq seriktestikti nyǵaıtý týraly deklarasıa men  qoǵamdyq densaýlyq saqtaý salasyndaǵy kelisimderge  qol qoıý josparlanyp otyr. Sonymen qatar, kóshi-qon máselesi men qarjy salasynda da kelissózder júrgizilmek. 

Kelesi kúni Almazbek Atambaev premer-mınıstr Dmıtrıı Medvedevpen  kezdesýdi josparlap otyr. Memlekettik is sapar aıasynda Qyrǵyztan prezıdenti Bashqurtstan men Tatarstanǵa da baratyndyǵyn atap ótti. 

Esterińizge sala keteıik, Qyrǵyzstan basshysy  aǵymdaǵy jyldyń 1 jeltoqsanynda óz ornyn bosatýǵa tıis. Sebebi, Qyrǵyzstan Respýblıkasynyń Konstıtýsıasyna sáıkes memleket basshysynyń laýazymyna qaıta saılanýǵa múmkindik joq.  Kezekti prezıdent saılaýy  osy jyldyń 15 qazanyna belgilenip otyr. 

Sholýshy: Aqerke Maratqyzy