Qazaqstannyń týrısik potensıaly da, paıdalaný múmkindigi de joǵary. Bul týraly Dúnıejúzilik týrısik uıymynyń bas hatshysy Taleb Rıfaı QR Úkimetiniń otyrysynda aıtty, dep jazady Qamshy aqparattyq agenttigi.

«Búginde týrızm laıyqty túrde baǵalanbaıdy. Ekonomıkany damytatyn munaı emes, týrızm. Týrızm – Qazaqstannyń bolashaǵy, sizderde joǵary potensıal bar, ony sózben aıtyp jetkizý múmkin emes. Sondyqtan qoldaryńyzda bar  múmkindikti maksımaldy túrde paıdalanýlaryńyz tıis. Men birneshe memlekette boldym, bir aıtarym – Qazaqstannyń perspektıvasy joǵary»,  - dep aıtty Rıfaı sózin Premer-mınıstrge baǵyttap.

Sondaı-aq, atalmysh uıymnyń bas hatshysy Qazaqstandaǵy týrızmdi damytatyn birneshe joldardy atady, usynystaryn aıtty.

«Birinshiden, ózge memlekettermen dostyq qarym-qatynasty nyǵaıtý arqyly vızalyq rejımdi jeńildetken jón. Biz elektrondy vızany 100% qoldaımyz. Onlaın rejımde adamdar kezek kútpeıdi, yńǵaıly ári qaýipsiz. Al qaýipsizdik pen yńǵaılylylyq týrızmge qajet», - dedi Rıfaı.

Budan ózge halyqaralyq maman naryqqa qarjylyq avıakompanıalardy jiberýdi usyndy, mundaı ádis arqyly týrıser tómen baǵada bılet ala alady.

«Týrıserdiń Qazaqstanǵa tez, arzan ári jeńil kelýin qamtamasyz etkenderińiz jón. Ózderińizge 2-3 jyl ýaqytty belgilep, avıahabarlamanyń ashyq bolýyn uıymdastyryńdar», - dep qostady.