Almaty qalasynyń Tilderdi damytý basqarmasy Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2017-2019 jyldarǵa arnalǵan is-sharalar josparyn júzege asyrý maqsatynda jáne Almaty qalasy ákimdiginiń «Memlekettik qyzmetshi kúnin ótkizý jónindegi is-sharalar josparyna» sáıkes memlekettik basqarý organdary men mekemelerinde jumys isteıtin mamandar arasynda ótken «Memlekettik til – meniń tilim» atty qalalyq baıqaýdyń qorytyndysy jarıalandy, dep habarlaıdy Qamshy aqparattyq agenttigi.

Baıqaý bes kezeńnen turdy: «Jadymyzdaǵy jaılar» kezeńi – suraq-jaýap, «Qazaq sózi» kezeńi – til týraly qanatty sózder, maqal-mátelder, aıtýly tulǵalardyń til týraly aıtqan oılaryna baılanysty tapsyrma, «Jer-sýdyń aty – tarıhtyń haty» kezeńi – Qazaqstannyń tanymal jerlerine baılanysty tapsyrmalar, «Máseleniń mán-jaıy» kezeńi – til máselesine baılanysty ózekti oılar talqysy, «Máńgilik El – Mártebeli til» kezeńi – shyǵarmashylyq kezeń.

Baıqaýdyń basty maqsaty – qazaq tiliniń qoldanylýyn damytý, memlekettik til saıasatyn nasıhattaý.

Ár kezeńde qatysýshylar oıdy jetkize bilý sheberligi men sóıleý mádenıetin kórsetti.

Baıqaýda qyzlyq etken belgili telejýrnalıst, Qazaqstannyń mádenıet qaıratkeri, Óner akademıasynyń qurmetti profesory, Qazaqstan Jýrnalıser odaǵy men «Altyn Juldyz» syılyǵynyń ıegeri Nurtileý Imanǵalıuly jýrnalıserdi kásibı merekesimen toılap, júldegerlerdi marapattady:

«Bul kún - bir jyl ishinde bir kún bolsa da ózimizdi adam sekildi sezinetin kún. Búginde jýrnalıserdiń memlekettik statýsy áli kúnge deıin aıqyndalmaı keledi, páter máselesi - eń kúrdeli dúnıe, al búgin osyndaı máselelerdi umytatyn jalǵyz kún», - deı kele aıtýly kúndi jyl saıyn asa yjdahattylyqpen kútetinin, jaqsy kóretinin aıtty. Sondaı-aq, jýrnalıserdiń quqyǵyna, mindetine qysqasha toqtalyp ótti:

«Bıliktiń aldynda biraz shyndyqty aıtatyn ýaqyt jaqyndady. Ózimizdiń quqyǵymyzdy, normamyzdy qorǵaıtyn azamattar men azamatshalardyń aldynda turmyn dep oılaımyn. Sizderdiń atqaratyn isterińizdi baǵalaý kerek.

Jýrnalısıkany ustap turǵan bolashaqqa degen senim, ımandylyq, kórkem minez. Kásp jasap, bala-shaǵany asyraýdyń neshe-túrlisi bar. Biz bólek jandarmyz, shyvǵarmashyl jandarymz, tipti qoǵamdyq qaqtyǵystardy retteýshi kúshpiz».

Telearnadaǵy jýrnalısıka boıynsha úzdik dep tanylǵandar:

3-oryn, Gúlnur Baımenova

2-oryn, Ámirbolat Qusaıynuly

1-oryn, Nazym Perne

Internet-saıt boıynsha baıqaý jeńimpazdaryn búginde qoǵamdyq máselerdi qozǵap júrgen «Qamshy» aqparattyq agenttiginiń jetekshisi Bilál Qýanysh marapattady.

3-oryn, Qanshaıym Baıdáýlet

2-oryn, Eldos Dastan

Bas júlde, Nurǵalı Nurtaı

Radıo salasy boıynsha úzdik jýrnalıser:

3-oryn, Gúlmárıa Moldabergenova

2-oryn, Gúlbaný Alpamysqyzy

 Bas júlde, Baqyt Jaǵypar

Baspasózdegi jýrnalısıka boıynsha úzdik dep tanylǵandar:

3-oryn, Aqnıet Ospanbaı, Túrkistan gazeti

2-oryn, Aıgúl Atambaıqyzy, Egemen Qazaqstan

Bas júlde, Tóreǵalı Táshenov.