Búgin Aqordada Memlekettik hatshy Gúlshara Ábdiqalyqova úzdik jýrnalıserge Prezıdent syılyǵy men granattaryn tabystady. Saltanattyn jıynda «Habar» arnasynyń tilshisi Maıra Ábdirahmanova prezıdent syılyǵynan alatyn qarjysyn qaıyrymdylyq qoryna aýdaratyndyǵyn aıtty, dep habarlaıdy Qamshy aqparattyq agenttigi Baq.kz tilshisine silteme jasap.

«Men úshin Prezıdent syılyǵyn alý úlken baqyt. Birinshiden Memleket basshysy Nursultan Ábishuly Nazarbaevqa, ári «Habar» agenttigi men «24 KZ» ujymyna, QR Prezıdentiniń baspasóz qyzmetine jáne kandıdattardy iriktep alǵan bedeldi komısıa múshelerine alǵysymdy bildiremin. Bul – ujymnyń jetistigi. Men televıdenıeniń tabaldyryǵyn osydan 30 jyl buryn attadym», - dedi ol.

Osy rette tájirıbeli jýrnalıs alǵan syılyǵyn «Meıirimdilik» qaıyrymdylyq qoryna aýdaratyndyǵyn jetkizdi.

«Ózderińiz biletindeı, bul qordy áriptesim, jýrnalıs Arýjan Saın basqarady. Elbasy óziniń «Jibek joly» beıbitshilik syılyǵynan alǵan qarjysyn osy qorǵa aýdarǵan bolatyn. Nátıjesinde 29 bala ólim aýzynan qutqaryldy. Olarǵa shuǵyl túrde operasıa jasaldy. Meniń oıymsha, balalarǵa áli de kómek kerek. Sondyqtan biz Memleket basshysy Nursultan Nazarbaevtan úlgi alýymyz kerek», - dep túıindedi sózin Maıra Ábdirahmanova.