Argentınalyq Rosarıo qalasynda ataqty fýtbolshy Lıonel Messı men Antonella Rokýssonyń úılený toıy ótti, dep jazady Qamshy aqparat agenttigi Jergilikti BAQ-tyń málimetine súıenip.

Argentınalyq baspasóz fýtbol koroliniń toıyn «ǵasyr toıyna» balady.

Messıdiń týǵan qalasyndaǵy úlken qonaqúıde ótken toıǵa nebári 260 qonaq shaqyrylǵan kórinedi,  fýtbol áleminiń jaryq juldyzdary men ataqty adamdar toıdyń qadirli qonaqtary sanaldy.

Jergilikti BAQ-tyń málimetinshe, Messıdi jattyqtyrǵan jattyqtyrýshylary toıda bolmaǵan.

Merekelik sharany 100-den asa polıseı qyzmetkerleri kúzetken. 150-ge jýyq tilshiler júrdi.

Messı men Antonella bala kezden jaqyn dostar bolǵan eken. 30 jastaǵy «Barselona» fýtbol klýbynyń shabýylshysy men 29 jastaǵy qalyńdyǵynyń búginde eki uldary bar.

Aıta keteıik, Lıonel Messı zamanaýı fýtbolshylardyń aldyńǵy qatarynda kósh bastap turǵan fýtbolshy, ári fýtbol tarıhyndaǵy eń myqty oıynshy sanalady.