AQSH prezıdenti Donald Tramptyń áleýmettik jelide jıi otyratynyna baılanysty qoǵamda daý týǵan, halyq teris pikirin jaýdyrdy. Alaıda ózine qatysty teris pikirlerge kóńil aýdaryp jatqan prezıdent joq. Bul týraly Qamshy aqparat agenttigi Jergilikti BAQ-qa silteme jasap habarlaıdy.

«Men áleýmettik jelini prezıdent retinde emes, zamanaýı prezıdent retinde paıdalanamyn», - dep jazdy Tramp Tvıtterdegi paraqshasyna.

Osydan buryn Tramp Em-es-en-bı-sı arnasyndaǵy Morning Joe baǵdarlamasynyń júrgizýshileri Mıke Bjezınskı men Djo Skarboro jaıynda birden jaýap qatqan.

Onyń Tvıtterdegi jazbasy demokrattar ǵana emes, dúıim respýblıka tarapynan talqylanǵan. Alaıda Aq úı prezıdentti qorǵaı túsken.

Al prezıdenttiń ózi áleýmettik jelini paıdalaný arqyly memleket jurtshylyǵymen tikeleı baılanysqa shyǵýyna múmkindik alatynyn aıtty.

«BAQ-tyń taratyp júrgen feık jańalyqtary respýblıkalyqtarǵa meniń áleýmettik jelini paıdalanbaýymdy aıtyp úgitteıdi. Biraq esterińizde bolsyn, men 2016 jyly bolǵan saılaýda suhabattar men áleýmettik jelige shyǵýymnyń arqasynda jeńiske jettim», - dep jazdy ol paraqshasyna.

Atalmysh jaǵdaıdyń bári Tramp pen Reseıdiń baılanysy jaıynda jazǵan Sı-en-en arnasynyń úsh jýrnalısinen keıin bastalǵan. Búginde úsh tilshi óz oryndaryn bosatqan. Al olarǵa qatysty Tramp Tvıtterdegi paraqshasyna bylaı dep jazǵan edi:

«Men Sı-en-en arnasynyń #feıkjańalyqtaryn arnanyń #alaıaqjańalyqtary dep ózgertýdi oılanyp otyrmyn».

Sholýshy: Gúlim Jaqan