Astanada Qala kúni merekesin toılaý jas jubaılardyń nekesin qıý rásimimen tuspa-tus keldi, dep jazady Qamshy aqparat agenttigi. Qala kúni qarsańyzda jas jubaılardyń nekelerin qıý rásimi jyl saıynǵy dástúr.
Halyq arasynda, ásirese jas jubaılardyń arasynda keńinen taralyp ketken bul ıgi dástúrge bıyl 10 jyl.
Osy jyly neke qıý saltanatyna 38 jup qatysty, olardyń jas mólsheri 18-den 40-qa deıin. Shara aıasynda jas jubaılar arasynda syılyqtar men júldeler oınatyldy. Bas júlde – Túrkıa men Býrabaıǵa joldama jáne teledıdar. Rásim aspanǵa sharlardy jiberýmen, toı válsin bıleýmen jáne tátti torttan dám tatýmen jalǵasyn tapty. Bul týraly Astana qalasy ákimdiginiń resmı saıty habarlaıdy.
Mereıtoılyq neke qıý rásimi EKSPO-2017 kórmesiniń ótkizilýimen tuspa tus keldi. Osyǵan oraı «Astana EKSPO-2017» kompanıasy sharanyń ótýine qoldaý bildirip, kórme aýmaǵynda jas jubaılar úshin fotosessıa uıymdastyrdy.
- Egerde buǵan deıin ár jup jeke saltanatty qalasa, búginde bul jerde neke qıý saltanaty bári úshin ótedi. Kózderi baqytqa toly 40 qalyńdyq toı kóılegin kıip, kúıeýjigitterdiń qolynan alyp, bolashaqqa qadam basqanyn esh jerden kóre almaısyń. Bul shynymen óte ádemi, áserli. 10 jyl buryn neke qıatyn ár jupqa rásimniń qalaı ótetinin túsindirý qajet bolsa, búginde bul qajetteliktiń keregi joq. Bir kúnde, qala kúni merekesi qarsańynda eki juptyń neke qıý rásimi halyq arasynda da keńinen tanymal, - dedi Astana qalasy Kásipkerlik jáne ónerkásip basqarmasy basshysynyń orynbasary Ryskúl Qaýǵabaeva.
Sharaǵa Qala kúninde 10 jyl buryn nekesin qıdyrǵan jup qatysty.
