Islam – sózbe-sóz alǵanda moıynsuný, berilý (Allahqa-red.) degen maǵynany bildiredi. Islam – qaýipsizdik pen beıbitshilik dini. Eń ókinishtisi, osy qaǵıdalardy negiz etetin ıslamdy, keıbireýler terorızmniń sınonımi retinde qarastyrady. Bul eń úlken tarıhı qate bolyp tabylady, bul jaıt osyndaı pikirdegi adamdardyń ıslam jaıynda bilimderiniń taıazdyǵyn baıqatyp, jan-tánimen tereń boılap túsinbegendiginde jatyr. 

Amerıkalyq ulttyq zertteý ınstıtýty qory Qurama shtatta 2008-2016 jyldar aralyǵynda oryn alǵan terorıstik aktilerge taldaý júrgizdi, dep jazady Qamshy aqparat agenttigi.

Onyń nátıjesinde kópshiliktiń sanasynda nyq oryn alǵan túsinikter ózgeredi – ásireultshyl, násilshil toptardyń jasaǵan teraktileri men shabýyldary «ıslam terorızmi» atap ketken ekstremıstik teraktilerden eki ese joǵary kórsetkishti kórsetken.

Osy ýaqyt aralyǵynda AQSH-ta ıslam atyn jamylyp 63 terakti jasalǵan. Bul qatarda San-Bernardınodaǵy qastandyq shabýyly jáne Boston marafonyndaǵy jarylys bar. Al dál osy kezeńde ásireultshyl toptar 115 terakt jasady, onyń ishinde Koloradodaǵy emhana dárigerlerine qastandyq shabýyly da bar.

«Islam terorızmi» ataýyn jamylǵan teraktilerdiń 13%-ynda jankeshti ózin qurban etse, bul jaǵdaı ásireultshyldarda 33%-ǵa teń. Solshyl radıkaldy terorızmge (komýnıstik jáne anarhısik) keler bolsaq, olardyń enshisinde atalǵan merzim ishinde 19 terakt jáne 7 qurban bar. 

Derekkóz: kazislam.kz