Elorda turǵyndary men qonaqtarynyń qaýipsizdigin, sondaı-aq qala tynyshtyǵyn kúzetetin jaýyngerler sany arta túspek dep habarlaıdy Qamshy aqparattyq agenttigi
8 shilde kúni saǵat 10.00-de Qazaqstan Respýblıkasy Ulttyq ulany 5573 áskerı bóliminde 790 jas sarbaz saltanatty jaǵdaıda Otanǵa ant etedi.
Astana irgesindegi TMD boıynsha eń úlken áskerı qalashyqta quqyqtyq tártip áskeriniń jedel maqsattaǵy quramasy ornalasqan. Búginde bul qalashyqta atalmysh quramanyń jeke quramynan birge, halyqaralyq kórme kezindegi qaýipsizdikti kúsheıtý maqsatynda áskerdiń basqa óńirdegi ásker bólimderinen arnaıy kelgen jaýyngerler de bir otbasyndaı birlikte qyzmet atqaryp keledi. Ulandyqtar aýqymdy sharanyń qaýipsizdigine baǵyttalǵan kúsheıtilgen rejımdegi qyzmetke mamyrdyń 29-inen bastap kirisken bolatyn. Osy aralyqta túrli qyraǵylyq tanytyp, zań buzýshylardy quryqtap, úlgili qyzmetimen erekshelenip keledi. Apta saıyn áskerı bólimniń mádenı ortalyǵynda qyzmetimen erekshelengen úzdik áskerı qyzmetshilerdi marapattaýǵa arnalǵan sharalar ótkizilip turady.
Jaýyngerlik joldyń jaqsy dástúrlerinen sabaq alsyn degen maqsatta, mamyrdyń sońynda osy áskerı bólim tabaldyryǵyn attaǵan jas sarbazdar mundaı qurmetteý keshterine ádeıilep qatystyrylady. Qyryq kún arnaıy oqý pýnktterinde jattyǵyp, áskerı ómirdiń kún tártibine daǵdylanyp, saptyq daıyndyqtaryn shyńdaǵan jańa shaqyrylym da Ant qabyldaý rásiminen keıin qala kósheleriniń tynyqtyǵyn kúzetý boıynsha jaýyngerlik qyzmetke kirisetin bolady.
Ant qabyldaý saltanatyna Ulttyq ulan Bas qolbasshylyǵy, ózara yntymaqtastyq etetin organdardyń, Astana qalasy ákimdiginiń jetekshileri, sondaı-aq din ókilderi, ardagerler men oqýshylar qaýymy jáne sarbazdardyń týǵan-týystary qatysatyn bolady.
Sholýshy: Ásem Álmuhanbet
