Sháken Aımanov atyndaǵy «Qazaqfılm» kınostýdıasynda ornalasqan «Qazaq handyǵy» kóp serıaly tarıhı týyndysynyń túsirilimderi úshin arnaıy turǵyzylǵan «Syǵanaq qalasy» dekorasıasynda rejıser Rústem Ábdirashtyń «Almas qylysh» fılminiń DVD dıskisiniń tusaýkeseri ótti, dep habarlaıdy Qamshy.kz aqparat agenttigi «Qazaqfılmniń» baspasóz qyzmetine silteme jasap.

DVD dıskiniń tusaýkeser rásimine fılmniń rejıseri, QR eńbek sińirgen qaıratkeri Rústem Ábdirash, kartınanyń bas prodúseri Arman Ásenov, «Qazaqfılm» kınostýdıasy men «Meloman» kompanıasynyń ókilderi, sondaı-aq túsirilim toby qatysty.

 «Almas qylysh» fılmin kóre almaı qalǵan jáne bul fılmdi qaıta kórgisi keletin kórermenderdiń kóptegen suranystary boıynsha, biz «Meloman» kompanıasymen birlese otyryp osy fılmniń DVD dıskisin shyǵaryp otyrmyz. Dıskiden fılmdi qazaq jáne orys tilderinde, sonymen qatar aǵylshyn tilindegi sýbtıtrlar arqyly kórýge bolady», - dedi rejıser Rústem Ábdirash.

Tarıhı kınotýyndynyń DVD nusqasyn elimizdiń aýmaǵynda «Meloman» dúkender jelisi arqyly satyp alýǵa bolady. Baǵasy – 1295 tg. Sondaı-aq, Astana qalasynda ótkiziletin «Eýrazıa» kınofestıvali sheńberinde de bul dıskter satylady.

«Meloman» kompanıasynyń ulttyq jobalar departamentiniń dırektory Nızamı Mamedov qazaqtyń tarıhynan syr shertetin iri tarıhı kınojobanyń DVD dıskisi EXPO-2017 halyqaralyq kórmesi jáne halyqaralyq «Eýrazıa» kınofestıvali qonaqtary úshin jaqsy syılyq bolatynyn aıtty.