Ulybrıtanıanyń Edınbýrg ýnıversıtetiniń ǵalymy Pıter Sanderkok saý adamdarǵa aspırın qoldanýdan bas tartýdy usynady dep jazady Qamshy.kz aqparat agenttigi ihsan.kz-ke silteme jasaı otyryp. Onyń aıtýynsha, asetılsalısıl qyshqylynyń paıdasynan zıany kóp.
Ádette adam aspırındi júrek jáne qaterli isik aýrýlarynyń aldyn alý preparaty retinde qoldanady. Basy aýyrsa da ishetinder kóp. Biraq P.Sanderkok bastaǵan aǵylshyn ǵalymdary bul dárini adamdardyń oryndy-orynsyz qoldanýyna tyıym salýdy usynady. Sonyń ishinde, onyń saý adamdarǵa esh qajeti joq. Insýltti ótkergen nemese tamyr aýrýyna shaldyqqan adamdar ǵana qoldanýyna bolady. Meddaily.ru-dyń málimetinshe, onjyldyq synaq kezinde aspırındi qoldanǵan 10 myń naýqastyń 170-ten astamynda dáriniń keri áseri baıqalǵan.
Sholýshy: Ásel Bolatqyzy
