Qazirgi tańda baspana kezeginde turǵan 96 otbasy páter kiltterine ıe bolyp, qonys toıyn toılaýda. Qalanyń 1 - shaǵyn aýdanynnan boı kótergen bul turǵyn úıdiń qurylysyn aıaqtaý merzimi keıinge shegerilip kelgenine jylǵa jaqyndaǵan edi. Salymshylardyń bank tarapyna joldaǵan shaǵymdarynan keıin máselege Qoǵamdyq keńes aralasyp, tıisti sharalardy qolǵa alǵan bolatyn. Atqarýshy bılik tarapynan berilgen ýádege sáıkes, endi baspana tolyq paıdalanýǵa berildi. Qoǵamdyq keńes anyqtaǵandaı, turǵyn úı qurylysynyń merziminde aıaqtalmaýyna bas merdigerdiń materıaldyq-tehnıkalyq bazasynyń álsizdigi men kásibı qurylysshy mamandardyń jetispeýshiligi sebep bolǵan eken. Sol sebepten, jergilikti ákimdik qurlysty toqtatyp, qaıtalap tender jarıalaýǵa májbúr bolǵan. Osydan keıin baryp qana qurylys jumystary qyzyp, nátıjesinde salymshylar óz baspanalaryna qol jetkizip otyr. Sondaı-aq, bul kúnderi taǵy da 205 pavlodarlyq turǵyndar jańa úıge qol jetkizdi. Olar qalanyń 3- shaǵyn aýdanynan boı kótergen toǵyz qabatty záýlim nysannyń alǵashqy qonystanýshylary atandy. Turǵyndardyń qonys toıynyń alǵashqy qonaǵy retinde qýanyshyn bólisýge kelgen  Pavlodar oblysynyń ákimi Qanat Bozymbaev pen «Turǵyn úı qurylys jınaq banki» AQ basqarma tóraǵasynyń orynbasary Erbol Qarashókeev páter ıelerine kilt tapsyrdy. Al, jaqyn kúnderi osy qalanyń Tolstoı kóshesinde de qýanyshty shara ótpek. «Qol jetimdi baspana - 2020» baǵdarlamasy aıasynda salynyp jatqan taǵy bir turǵyn úı qurylysy aıaqtalyp, 180 páter paıdalanylýǵa berilmek. Jalpy, memlekettik baǵdarlama júzege asyryla bastaǵan kezeńnen beri Pavlodar oblysynda 477 páterlik 6 turǵyn úı salyndy. Bul 29 myń sharshy metrdi aýmaqty quraıdy.  Páterge ıe bolý úshin salymshylarǵa «Turǵyn úı qurylys jınaq banki» tarapynan arzan zaımdar berildi. Ústimizdegi jyldyń 1-qarashasyndaǵy derekter boıynsha Pavlodar oblysynyń ákimdigimen aradaǵy kelisim boıynsha 2 mlrd. 600 mln. teńgeden astam qarjy ıgerilgen. Aıta ketý kerek, «Turǵyn úı jınaq banki» AQ «Báıterek» Ulttyq basqarýshy holdıńi AQ-nyń enshiles kompanıasy bolyp tabylady. Holdıńtiń qurylý maqsaty ulttyq ekonomıkany saýyqtyrý men órkendetý jáne ınvestısıalar tartý, sondaı-aq klasterlik juıe men korporatıvti basqarý isin jetildirýdi kózdeıdi.