«Turǵyn úı qurylys jınaq bankiniń» «Ekinshi kelisimshartty eki ese jeńildikpen jasa» atty aksıasy 2014 jyldyń 15 qarashasyna deıin jalǵasýda. Atalǵan aksıa aıasynda kez-kelgen salymshy óz atyna, sondaı-aq, otbasy músheleri men jaqyn týystarynyń atyna ekinshi depozıt ashý múmkindigine 50 paıyz jeńildikpen qol jetkize alady. Salymshy úshin «bul tıimdi me?» degen suraq týary anyq. Árıne, óte tıimdi! Óıtkeni, salymshy óz atyna, sondaı-aq, otbasy músheleri men jaqyn týystarynyń atyna ekinshi depozıt ashý arqyly, ústimizdegi jyldyń sońynda memleket syıaqysyna ıe bolady. Iaǵnı, ár ashylǵan depozıtke salynǵan 200 AEK kóleminen nemese 370400 teńgeden aspaıtyn qarjyǵa memleket tarapynan 20 paıyzdyq syıaqy tólenedi. Salymshylardyń tabysyn arttyrý maqsatynda bank otbasy músheleriniń atyna birneshe depozıtter ashýǵa keńes beredi. Bul jaǵdaıda syıaqy árbir azamatqa esepteledi. Al, «Turǵyn úı qurylys jınaq banki» salymshylarynyń jınaq qarjysynyń kólemine 2 paıyzdyq syıaqy taǵaıyndalǵan, depozıtterdiń jyldyq tıimdi mólsherlemesi 12,6 paıyzdy quraıdy. Syıaqy taǵaıyndaý arqyly memleket jeke baspanasy úshin qarjy jınaqtaýdy maqsat etken salymshylardy yntalandyrýdy kózdeıdi. Eskeretin bir jaıt, «Turǵyn úı qurylys jınaq banki» salymshylaryna tólenetin syıaqy depozıtterdiń ótip bara jatqan jyldyń 1 qańtaryndaǵy jaǵdaıymen esepteledi. Eger salymshy baspana satyp alýǵa bel býǵan bolsa, banktegi óz atyna jáne otbasy músheleri men jaqyn týystarynyń atyna ashylǵan esep shottardaǵy qarjy biriktirilip, turyǵyn úı zaemy beriledi. Búgingi tańda baspana satyp alýǵa beriletin nesıe naryǵyndaǵy eń tıimdi tásil osy turǵyn úı zaemdary bolyp otyr.Turǵyn úı zaemdaryn satyp alatyn baspana qunynyń 50 paıyzyn 3 jyldan kem emes merzim ishinde jınaqtaǵan árbir salymshy alýǵa quqyly. Al, baspana baǵasynyń qalǵan 50 paıyz quny úshin bank tarapynan turǵyn úı zaemdary beriledi de, oǵan 3,5 paıyz ben 5 paıyz aralyǵynda jyldyq syıaqy mólsherlemesi esepteledi. Zaemnyń jyldyq tıimdi mólsherlemesi 4 paıyzdan aspaıdy. Turǵyn úı zaemdary turyǵyn úı satyp alýǵa, jer telimderin satyp alýǵa, qurylys jumystaryn júrgizýge, ıpotekalyq nesıelerdi qaıta qarjylandyrýǵa, sondaı-aq, ıpotekalyq nesıe alýǵa qajetti bastapqy qarajat túrinde beriledi. Aıta ketý kerek, «Turǵyn úı qurylys jınaq banki» AQ «Báıterek» Ulttyq basqarýshy holdıńi AQ-nyń enshiles kompanıasy bolyp tabylady. Holdıńtiń qurylý maqsaty ulttyq ekonomıkany saýyqtyrý men órkendetý jáne ınvestısıalar tartý, sondaı-aq klasterlik júıe men korporatıvti basqarý isin jetildirýdi kózdeıdi.