Reseıde Sheshenstan parlamentiniń depýtaty Mýhmad Asqabovty atyp ketkendegi sát vıdeoǵa túsip qalǵan, dep jazady Qamshy.kz aqparat agenttigi. Mýhmad Asqabovtyń kóligine vıdeotirkeýish ornatylǵan.

Kadrlarǵa súıensek, depýtat mingen kólikke qara tústi kólik jaqyndap kelip, ishinen belgisiz bireýler oq jaýdyra bastaǵan. Júrgizýshi ról tizginine ıe bola almaı, kólik jol apatyna ushyraǵan. Tergeý málimetinshe, depýtattyń ólimine jol apaty sebep bolǵan. Alaıda vıdeonyń shynaıy ekeni áli anyqtalmady.

Budan buryn tergeý málimetine sáıkes, juma kúni tańda depýtattyń jumysyna óz kóligimen attanǵan. Achhoı-Martanovsk aýdanynda kólikke shabýyl jasalyp, saldarynan depýtat qaza tapqan.

Asqabovtyń ólimine baılanysty Qylmystyq kodekstiń 105-baby 2-bóliminiń «b» pýnkti (kisi óltirý) jáne QK 222-babynyń 1 bólimi (qarýdy zańsyz saýdalaý)  boıynsha tergeý jumystary bastaldy.

Aıta keteıik, Asqabov Agroónerkásip kesheni, jer qatynastary, ekologıa jáne tabıǵı resýrstar komıtetiniń tóraǵasy, Komýnıstik partıanyń múshesi boldy.