2017 jylǵy 6 qyrkúıekte «Nur Otan» partıasy men «Jas Otan» JQ «Qarjy ortalyǵy» AQ-men birlese otyryp, Qazaqstannyń Parlament depýtattarynyń, kórnekti qaıratkerlerdiń, bıznes-qoǵamdastyqtary ókilderiniń Memlekettik bilim berý jınaqtaý júıesiniń (MBJJ) sheńberinde az qamtylǵan otbasylardaǵy balalardyń atyna bilim berý depozıtterin ashý boıynsha «Tabysty bolashaqqa kepildik!» qaıyrymdylyq aksıasyn bastady dep habarlaıdy Qamshy.kz aqparat agenttigi. 

İs-shara «Nur Otan» partıasynyń hatshysy Farhad Shaımuratuly Qýanǵanovtyń alǵy sózimen ashyldy. Ol óz sózinde memlekettiń bul bastamasyn oń tilekterimen qoldap, «Tabysty bolashaqqa kepildik!» naýqanynyń bastalǵandyǵyn jarıalady.

İs-sharaǵa QR Parlamenti depýtattary, «Qarjy ortalyǵy» AQ-nyń, Qazaqstan Respýblıkasy Bilim jáne ǵylym mınıstrliginiń ókilderi, «Nur Otan» partıasynyń  ortalyq apparaty men aımaqtyq fılıaldarynyń, «Jas Otan» JQ-nyń ókilderi qatysty.

«Jas Otan» jastar qanatynyń ókili Danıar Súndetbaev óz kezeginde mundaı aksıanyń Qazaqstan jastarynyń keleshegi úshin mańyzdylyǵyn tilge tıek etip, bul bastamaǵa jan-jaqty qoldaý kórsetkenderge alǵys aıtty.

Depýtattar ǵana emes, sondaı-aq barlyq qazaqstandyqtar da óz balalarynyń nemese az qamtylǵan, turmysy tómen balalardyń oqýyna depozıt asha alady.  

MBBJJ – bul ata-ana/qamqorshy óziniń nemese balanyń atyna MBJJ-ǵa qatysýshy-bankte bilim berý depozıtin ashyp, banktiń syıaqysy men memlekettiń syılyqaqysynan quralatyn  21 %-ǵa deıingi jyldyq tabystylyqpen bolashaqta bilim alý maqsatynda qarajat jınaýǵa múmkindik alatyn bilim alýdyń qoljetimdiligin arttyrýǵa baǵyttalǵan memlekettik shara.