Qaraǵandy qalasynda 2017 jyldyń 25 qyrkúıeginde QR Din isteri jáne azamattyq qoǵam mınıstrligimen uıymdastyrylǵan «Qoǵamdyq keńester: qyzmetiniń máseleleri men keleshegi» taqyrybynda respýblıkalyq konferensıa ótti.  İs-sharanyń negizgi maqsaty qoǵamdyq keńester qyzmetiniń úzdik tájirıbelerin kórsetý men tájirıbe almasý, sonymen qosa qoǵamdyq keńester týraly zańnama men olardyń qyzmetin jetildirý boıynsha naqty usynystar jasaý bolyp tabylady.

Konferensıa jumysyna respýblıkalyq jáne aımaqtyq qoǵamdyq keńesterdiń músheleri, saraptamalyq qaýymdastyqtyń, ÚEU jáne t.b. músheleri qatysty.

Negizgi spıkerler retinde Qazaqstan Respýblıkasy Din isteri jáne azamattyq qoǵam vıse-mınıstri Abzal Núkenov, QR Parlamenti Májilisiniń depýtaty Serik Seıdýmanov, QR Din isteri jáne azamattyq qoǵam mınıstrliginiń Qoǵamdyq keńesiniń múshesi Aıgúl Soloveva, saıasattanýshy Erlan Saırov, «Qazaqstandaǵy parlamentarızmdi damytý qory» QQ tóraıymy Záýresh Battalova, Nazarbaev Ýnıversıtetiniń Memlekettik saıasat joǵary mektebiniń profesory Kolın Noks jáne t.b. sóz sóıledi.

QR Din isteri jáne azamattyq qoǵam vıse-mınıstri A.Núkenov qoǵamdyq keńester jergilikti jerdiń jáne salanyń ózekti máselelerin sheshý boıynsha tıimdi mehanızm ekendigin atap ótti. Qoǵamdyq keńester turǵyndarǵa ózekti máselelerdi kóterýge, qoǵamdyq tyńdalymdar, memlekettik organdarmen qabyldanǵan sheshimderge qoǵamdyq monıtorıń pen saraptama júrgizýge múmkindik beretin, qoǵamdyq baqylaýdyń sáıkes quraldarymen zańnamalyq qamtamasyz etilgen.

Vıse-mınıstr qoǵamdyq keńesterdiń qyzmetine ÚEU, saıası partıalardyń basshylaryn, qoǵamdyq pikir kóshbasshylaryn belsendi tartýdyń qajettiligin atap ótip, memlekettik organdarǵa turǵyndardyń áleýmettik mańyzy bar máselelerin sheshýde qoǵamdyq keńesterdiń ál-aýqatyn qoldanýdy usyndy.

Saıasattanýshy Erlan Saırov óz sózinde: «sanany jańǵyrtýdyń maqsattaryna qol jetkizý úshin bizge azamattyq qoǵammen jumysty qaıta qalyptastyrý kerek. Jergilikti jerlerde Qoǵamdyq keńester – bul biregeı múmkindik, aımaqtyń áleýmettik damý máselelerine jaýaptyraq qaraıtyn óńirlik elıtany qurý men tárbıeleý mehanızmderi dep aıtýǵa bolady», - dep atap ótti.

QR Din isteri jáne azamattyq qoǵam mınıstrligi Qoǵamdyq keńesiniń múshesi Aıgúl Soloveva óz kezeginde azamattyq qoǵam damýynyń zamanaýı úderisteri, qoǵamdyq keńesterdiń qurylýynyń kezeńderi men olardyń qyzmeti týraly baıandady. Sonymen qosa, «qoǵamdyq keńesterdiń negizgi maqsaty respýblıkalyq jáne jergilikti deńgeılerde sheshimder qabyldaý kezinde qoǵamnyń múddelerin qorǵaý bolyp tabylatyndyǵyn» aıtty.

«Áleýmettik jańǵyrýdyń negizgi elementi tehnologıalyq oılaýdyń deńgeıine sapaly túrde kóshý, zamannyń talabyna sáıkes áleýmettik jáne rýhanı uıymdastyrýdyń eń ozyq ádisterin úırený bolyp tabylady. Degenmen, qoǵamdyq keńesterdiń jumysynda zańnamalyq qamtamasyz etýdi qajet etetin máseleler bar. «Qoǵamdyq keńester týraly» Zańǵa ózgerister engizý kerek»,- dep Parlamentarızmdi damytý qorynyń tóraıymy Záýresh Battalova atap kórsetti.

Konferensıa sheńberinde eseptik memleketti qalyptastyrýda qoǵamdyq keńesterdiń ál-aýqatyn damytý máseleleri boıynsha semınar, trenıń, paneldik dıskýssıa túrindegi dıalogtyq alańdar ótkizildi.

Jalpy, is-sharaǵa qatysýshylar Qoǵamdyq keńester qyzmetiniń tájirıbesi, búgingi kúnniń ózinde, túrli máseleler boıynsha azamattyq qoǵam pikirin aıtý úshin biregeı dıalogtyq alań jáne jumys isteıtin qoǵamdyq ınstıtýt qurylǵandyǵy týraly qorytyndy jasaýǵa múmkindik beredi.

Kezdesýdiń nátıjesinde konferensıanyń qatysýshylar qatarynan qoǵamdyq keńesterdiń qyzmetin jetildirý boıynsha arnaıy jumys toby quryldy. Atalǵan jumys tobynyń aıasynda ázirlengen usynymdar ú.j. qarasha aıynda ótetin Respýblıkalyq Qoǵamdyq keńester májilisi barysynda usynylatyn bolady.