Aqtaý qalasynda mektepterdiń birinde dápterlerdiń qymbat bolýy ata-analardyń qazaq tili sabaǵynan bas tartýǵa sebep bola jazdady, dep habarlaıdy Qamshy.kz aqparat agenttigi Lada basylymyna silteme jasaı otyryp.
Ekinshi synyp oqýshylarynyń ata-analaryna qazaq tili páninen tórt dápter men sózdik satyp alý kerektigi aıtylady. Bul jıyntyqtyń quny 10 myń teńgege jýyq, al synypqa qajetti jınaqtyń quny – 300 myń teńge bolady. Birqatar otbasylar bul jıyntyqty alýǵa múmkindikteri joq bolǵandyqtan, ata-analar qazaq tili páninen bas tartýdy uıǵarady.
Sonymen qatar, ata-analar qazaq tili pániniń oqýlyǵyn da synaǵan.
"Qazirgi ýaqyttaǵy qazaq tili oqýlyǵy — eshqandaı aýdarmasy joq tekstterdiń jınaǵy. Eshqandaı ereje jazylmaǵan. Muǵalimder aýdarmasyn bermeıdi, ony túsindirmeıdi. Nátıjesinde balalar kitapqa qarap eshteńe túsinbeı otyrady. Mektepterde qoldanyp jatqan oqýlyqtardy qosymsha ádebıet pen sózdiktiń kómeginsiz oqý múmkin emes", —deıdi ata-analar.
Óz kezeginde, mektep dırektory Bekes İspekeev bul dápterlerdi mindetti túrde satyp alýǵa eshkim qınamaıdy, oqý quralyn satyp alý tek "usynys" retinde aıtylǵan. Muǵalimder men ata-analar arasynda túsinbeýshilik oryn alǵan dep esepteıdi.
