1. Jar qylyp alar qyzyńnyń sheshesine qararsyń. Sheshe kórgendi al. Alma aǵashynan alysqa túspeıdi. 
2. Sonan soń ákesine qara. Áke qatal, ári meıirimdi bolýy kerek. Bıligi erkekte bolǵan úı bereke. Osyny umytpa. 
3. Erkek balalary men qosa áıelin de tárbıeleıdi. Olardyń sanasyna ıslamdy quı. Din jolyn úıret, oqyt. Allaǵa jaqynnyń adasqanyn kórgenim joq. Sondyqtan osy iske jaqsy kóńil ból. 
4. Alǵanyń basqany emes, áýeli seni syılasyn. Kúıeýin erim,balalarymnyń ákesi, bolashaǵym dep syılaǵan áıel senimen qosa búkil áýletińdi qurmetteıdi. Onyń qurmeti saǵan áýletińniń aldynda abyroı syılaıdy. 
5. Ony qadir tut. Bar jaqsy sózińdi arna. Jurttyń, balalaryńnyń kózinshe qushaqtap, súıme. Ózińniń de, onyń da qadirin qashyrasyń. Onyń barlyǵy ońashada qylar is. Al basqa ýaqytta kóz qarasyń men oǵan jasar jaqsy isiń de jetip jatyr. 
6. Onyń jasar isine aralaspa. Aqyldy áıel sen aralaspaı-aq qajet aqylyn ózi kelip surap alady. 
7. Ony qyzǵan. Tek jónimen bolǵany durys. Al shamadan artyq qyzǵaný urys-keriske sebepshi. 
8. Qansha urys-keris bolsa da óz aralaryńda bolsyn. Syrtqa shyǵarýshy bolma. Urys-keriste ıa sen jeńil, ıa ol jeńilsin. Al qatelik pen durys-burysyn ashýlaryń basylǵan soń talqylaǵan jón. 
9. Ony eshqashan aldama. Kez-kelgen jaǵdaıda tek shyndyqty aıt. Onyń ózińe degen senimin joǵaltyp alma. Sezimniń irgetasy senimnen qalanatynyn umytpa. 
10. Ne nársege de sabyr qyl. Bardy qanaǵat tut. Áıelińnen de osyny talap et. Sol kezde ǵana ómirdiń barlyq tosyn jaılaryna qarsy tura alasyńdar....