Jyl basynda Qazaqstanda ashylǵan «Nurly jer» baǵdarlamasy ıpotekalyq naryqtyń qaıta jandanýyna áser etken birden-bir faktor. 

Oǵan qosa bıyl Ulttyq bank bazalyq mólsherlemeni 10,25% deńgeıine deıin túsirip, bul óz kezeginde ekinshi deńgeıli bankterdiń nesıe men depozıt paıyzynyń azaıýyna túrtki boldy.

Nátıjesinde, bıyl jyl basynan bergi jeti aıda eldegi ıpotekalyq naryq 201 mlrd. teńgege jetip, byltyrǵy jyldyń osy ýaqytymen salystyrǵanda 62%-ǵa ósti.

Bul ósimge sonymen qatar qurylys kompanıasynan memlekettik baǵdarlama boıynsha sýbsıdıamen 10%-dyq ıpoteka rásimdeý múmkindigi de áser etip otyr.

Mamyr aıynyń basynan beri Qazaqstannyń Ipotekalyq Kompanıasy jalpy quny 5,3 mlrd. teńge bolatyn sýbsıdıalanǵan 525 ıpotekalyq qaryzdy maquldady.

Qazirgi tańda atalǵan baǵdarlamaǵa «SentrKredıt Banki» AQ, «ATFBanki» AQ, «Sberbank» AQ ÚB jáne «VTB Baanki» qatysady. Al aldaǵy ýaqytta bul tizimge Bank RBK, Nurbank, Turǵynúıqurylysjınaq banki, «Sesnabank» AQ, KASSA NOVA BANK jáne Tengri Bank qosylady dep kútilýde. Bul týraly Naryk.kz halyqaralyq ekonomıka agenttigi habarlaıdy, dep jazady Qamshy.kz aqparat agenttigi. 

Aıta keteıik, qazirgi tańda berilgen ıpotekanyń jalpy kóleminiń 80%-y TÚQJ bankine tıesili.

Tómende qazirgi tańda qaı banktiń qansha paıyzben ıpoteka beretini kórsetilgen:

Altyn banki — 16%, alǵashqy tólem 40%;

Álfa banki — 23%, alǵashqy tólem 30%;

ATF banki — 14,7%, alǵashqy tólem 20%;

Eýrazıalyq bank — 17%, alǵashqy tólem 30%;

SentrKredıt banki — 17%, alǵashqy tólem 30%;

VTB banki — 23, alǵashqy tólem 30%;

TÚQJ banki- 8,8%, alǵashqy tólem 40%;

Qazkom — toqtatylǵan;

Halyq banki -17, alǵashqy tólem 20%;

Nurbank- 21,7%, alǵashqy tólem 35%;

Sberbank — 17,3%, alǵashqy tólem 30%;

Fortebank — 20%, alǵashqy tólem 15%;

Sesna banki 24,4%, alǵashqy tólem 40%;

RBK banki — 19%, alǵashqy tólem 30%;

Qazaq banki — 21,3%, alǵashqy tólem 30%.