1983 jyldyń 26 qyrkúıeginde úshinshi dúnıejúzilik soǵys órti tutanýy ábden múmkin edi. Alaıda, kezekshi ofıser ıadrolyq soǵystyń aldyn alyp, álemdi úshinshi dúnıejúzilik soǵystan qutqarǵan, dep habarlaıdy Qamshy.kz aqparat agenttigi sheteldik BAQ-qa silteme jasap.
1983 jyldyń 26 qyrkúıeginde Máskeýdegi eskertý bólimshesiniń birine AQSH-tan raketa ushyrylǵany jaıly habar túsken. Keıinnen KSRO AQSH-qa qarsy soqqy jasaýy kerek bolatyn. Al, bul – úshinshi dúnıejúzilik soǵys – ıadrolyq soǵystyń bastamasy edi.
Úshinshi dúnıejúzilik soǵystyń aldyn alǵan – kezekshi ofıser Stanıslav Petrov boldy. Derekterge sáıkes, ol AQSH-qa qarsy shabýyldy uıymdastyrýy qajet bolǵan. Alaıda Petrov máseleni basqasha sheshýdi kózdedi, ol júıede bir aqaý paıda bolǵandyǵyn túsinip, AQSH-tyń eshqandaı da raketalyq soqqy jasamaǵandyǵyn málimdegen. Úkimet komýnıkasıalary arqyly Petrov jalǵan aqparat jaıynda habar bergen. Belgili bolǵandaı, dachıkter kún sáýlesiniń áserinen iske qosylyp ketken eken. Bul oqıǵany memleket qupıa saqtaýdy jón kórip, elge aıtpaǵan.
1984 jyly Stanıslav Petrov otstavkaǵa shyǵyp, Frázına qalasynda turǵan. Sol ýaqyttarda Petrovtyń jaǵdaıy nasharlap, kún kórisi tómendep ketken. Ol jaıynda Batys elderi 1990 jyldyń sońyna qaraı bile bastady.
2006 jyly BUU-na ony «Iadrolyq soǵysty toqtatqan adam» dep atap, 2013 jyly ol qomaqty qarjy kóleminde syıaqyǵa ıe boldy. 1983 jyly oryn alǵan oqıǵa jelisimen «Álemdi qutqarǵan adam» dep atalatyn fılm túsirildi.
Stanıslav Petrov adamdarmen kóp aralaspaıtyn, kóp suhbattar bere bermeıtin adam bolǵan. 2017 jyldyń mamyr aıynda ol Frázına qalasynda kóz jumǵan jáne onyń ólimi eleýsiz qaldy. Tek qyrkúıek aıynda ǵana onyń ólimi jaıynda nemis basylymdary habarlaǵan.
