SURAQ: «Turǵyn úı qurylysy jınaq banki» mamandary tarapynan osy saıtta jazylyp jatqan keńesterden keıin aýyldaǵylarǵa da qalaǵan qaladan baspana alýǵa bolatynyn bilip jatyrmyz. Rahmet. Men ózim Ótegen batyr kentinde jumys isteımin, múgedek ulym bar. Turǵyn úı kezeginde turamyn. Jaqynda baryp bilim em, kezegińiz jaqyn, biraq turǵyn qorynda ázir úı joq dep qaıtardy. Meniń bileıin degenim, osy turǵyn úı qory týraly bank túsindirip bere me eken? Lázzat, Almaty oblysy. JAÝAP: Lázzat, jyly lebizińizge alǵys aıtamyz. Biraq, banktiń qyzmetkerleriniń mindetine elimizdegi turǵyn úı saıasaty jaıly túsindirý jumystary kirmeıdi. Ony siz baryp ótinish bildirgen áleýmetttik organnyń qyzmetkeri túsindirý tıis edi. Degenmen, sizge qajeti bolyp qalar degen nıetpen myna málimetter men zańnamalyq qujattardy usynamyz: Turǵyn úı qory - turǵyn úı-jaılardyń, turǵyn úı jáne turǵyn úıge jatpaıtyn qurylystardaǵy turǵyn úılerge tıesili kómekshi úı-jaılardyń jıyntyǵy. Turǵyn úı qalasynyń shamasy turǵyn aýdany men jalpy aýdan boıynsha aıqyndalady. Turǵyn úı qoryna ne jatady? Turǵyn jaıdyń paıdaly alańy – turǵyn jaıdyń turǵyn jáne turǵyn emes alańdary; Turǵyn jaıdyń turǵyn alańy – turǵyn jaıdaǵy (páterdegi) turǵyn bólmelerdiń (jatyn bólmeniń, qonaq bólmeniń, balalar bólmesiniń, úıdegi kabınettiń jáne sol sıaqtylardyń) sharshy metrmen esepteletin alańdarynyń qosyndysy; Turǵyn úı (turǵyn ǵımarat) – ortaq múlik bolyp tabylatyn, negizinen turǵyn úı-jaılardan, sonymen qatar turǵyn emes úı-jaılardan, basqa da bólikterden turatyn qurylys; Turǵyn úı-jaı (páter) – turaqty turýǵa arnalǵan jáne paıdalanylatyn, jaıdyń turǵyn jáne turǵyn emes alańdaryn qosatyn jeke turǵyn úı-jaı; Dara turǵyn úı – úı-jaılyq jer teliminde ornalasqan jáne sharýashylyq pen basqa da qurylystary jáne jasyl kóshetterimen birge azamattyń menshigindegi jeke (otbasylyq) turýǵa arnalǵan úı; jeke turǵyn úı qory – jeke nemese memlekettik emes zańdy tulǵalarǵa jáne olardyń birlestikterine menshik quqyǵymen tıesili turǵyn jaı; Memlekettik turǵyn úı qory – memlekettik menshik quqyǵyna jatatyn jáne jergilikti atqarýshy organ (memlekettik komýnaldyq turǵyn úı qory) júrgizýindegi nemese memlekettik kásiporyn (memlekettik kásiporyn turǵyn úı qory) júrgizýindegi turǵyn jaı; Syrtqy qabyrǵa materıaldary – úıdiń syrty (syrtqy qabyrǵasy) turǵyzylǵan qurylys materıaldary. Eger qabyrǵalar birneshe materıaldardan turǵyzylsa, basym materıal kórsetiledi; Turǵyn úıdiń (turǵyn ǵımarattyń) jalpy alańy – turǵyn úı-jaıdyń barlyq paıdaly alańdary jáne turǵyn emes úı-jaılardyń barlyq alańdary, sonymen birge ortaq múlik bolyp tabylatyn turǵyn úıdiń jeke bólikteriniń alańdary; Derekter boıynsha búginde elimizdiń turǵyn úı qory 270 mıllıon sharshy metrdi quraıdy. Onyń 260 mıllıon sharshy metri nemese 98 paıyzy jeke menshikte. Al, kóp páterli úılerlerdiń aýmaǵy, ıaǵnı, kondomınımým nysandarynyń úlesi 157 mıllıon sharshy metrdi quraıdy.