Elbasy Nursultan Nazarbaevtyń «Nurly jol – bolashaqqa bastar jol» atty halyqqa Joldaýyn júzege asyrý «Qazaqstannyń Turǵyn úı qurylysy jınaq» banki AQ-nyń negizgi jumys baǵyty bolyp tabylady. Memleket Basshysy bıylǵy Joldaýynda atap kórsetkendeı, Qazaqstanda paıyzdyq mólsheri tómen jáne bastapqy jarnasy tólenbeıtin jańa turǵyn úı jobasynyń júzege asýyna jańasha serpin beriledi. Joldaýda turǵyn úı ınfraqurylymyn nyǵaıtý máselesine toqtalǵan Elbasy: «Arendalyq baspana qurylysy turǵysyndaǵy qadamdardy qaıta qarastyrý kerek. Bizde qoljetimdi baspana boıynsha kóptegen ádister bar. Elimizde Turǵyn úı qurylys jınaq banki, ıpoteka, arendalyq baǵyttar qamtylǵan. Endi bizge basqa qyrynan qaraý kerek. Memleket áleýmettik arendalyq baspanany salyp, ony halyqqa satyp alý quqyǵymen uzaq merzimge jalǵa beretin bolady. Qazirgi kezde qoldanystaǵy júıe qomaqty qarjyny talap etedi. Bastapqy jarnany tóletkizedi, sodan keıin bankter kabaldi (kiriptarlyq) paıyzdardy bekitedi, ıaǵnı onyń deńgeıi 20 paıyzǵa jetedi. Adamdar ony tóleýge qaýqarsyz jáne problemalar týyndaıdy. Bul baǵdarlamalar qalady, olar dáýletti adamdar úshin qalypty. Al jańa baǵyttaǵy baǵdarlamany jas otbasylar úshin jáne baspanaǵa zárý azamattarǵa jasap jatyrmyz», – degen edi.Bul rette jańa baǵdarlama boıynsha baspana esh deldaldarsyz, barynsha tómen paıyzben beriledi. Nesıelik qyzmet etý 1-2 paıyz kóleminde ǵana bolýy múmkin. Osy baǵdarlama aıasynda turǵyn úıdi satyp alý quny tómendetilip, bastapqy jarna qarastyrylmaıdy.

QR Prezıdenti N. Nazarbaev atalmysh baǵdarlama boıynsha baspana qurylysyna 2015-2016 jyldary 180 mlrd teńge bólinetindigin basa aıtty. Osy júktelgen mindetterdi júzege asyrý barysynda el turǵyndaryn qol jetimdi baspanamen qamtamasyz etýdiń jaýapkershiligi «Qazaqstannyń Turǵyn úı qurylysy jınaq banki» AQ-na da júktelip otyr. Búgingi tańda QR Úkimetiniń sheshimimen baspana naryǵyndaǵy turǵyn úımen qamtamasyz etýdiń basty operatorlary bolyp «Samuryq-Qazyna» ulttyq ál-aýqat qory men «Qazaqstannyń Ipotekalyq kompanıasy» AQ jáne «Qazaqstannyń Turǵyn úı qurylysy jınaq banki» AQ tańdalǵan. Osy oraıda «Qazaqstannyń Turǵyn úı qurylysy jınaq banki» AQ óz tutynýshylarynyń orasan zor senimi arqyly elimizdiń mańdaı aldy qarjy uıymyna aınalǵandyǵyn maqtanyshpen aıtady. Elbasy Joldaýy júktegen jańa mindet bank isine jańa serpin berip, turǵyn úı naryǵyn qarjylandyrýdyń jańa baǵdarlamalaryn dúnıege ákelýge negiz bolady dep senemiz. Banktiń uzaq merzimge arnalǵan qarjy saıasaty baspanaǵa muqtaj otandastarymyzdyń úmitin oıatyp, qoljetimdi turǵyn úımen qamtamasyz etýdiń joldaryn jeńildetýdi kózdeıtini belgili. Al, Memleket Basshysy júktegen mindet bizdiń bul isimizge tolyqtaı qoldaý men múmkindik beredi. "Qamshy" silteıdi