Pavlodarda toǵyz qabatty jańa úı paıdalanýǵa berildi. Bul osy jyly «Turǵyn úı qurylys jınaq banki» salymshylarynyń qarjysyna boı kótergen ekinshi úı.
Jalpy Pavlodarda 12 myńnan astam adam páter kezeginde tur. Olardyń kóbi búdjettik mekeme qyzmetkerleri men jańadan shańyraq kótergen jastar. Al jyl basynan beri Kereký qalasynda 100 myń sharshy metrge jýyq turǵyn úı paıdalanýǵa berilgen.
«Qoljetimdi baspana» baǵdarlamasy boıynsha salynǵan jańa úıden páter kiltin alǵandardyń arasynda kóp balaly jáne az qamtylǵan otbasylar, ártúrli toptaǵy múgedek jandar men búdjettik mekeme qyzmetkerleri bar. Bıyl qalada osyndaı 8 úı qoldanysqa berildi. Ásirese jastarǵa jasalyp jatqan qamqorlyqtar qýantady. Aldaǵy jyly kópqabatty 12 úı salynsa, olardyń basym bóligi jas otbasylardyń enshisine tımek. Al keler jyldyń alǵashqy toqsanynda 195 páterlik úı paıdalanýǵa beriledi. Qazir qurylys jumystary qyzý júrip jatyr.