Aǵymdaǵy jyly Halyqaralyq quqyq qorǵaý ortalyǵy Almaty qalasy Kásipodaq ortalyǵymen birlese otyryp Almaty qalalyq İshki saıasat Basqarmasynyń «Eńbek saqshysy» atty memlekettik áleýmettik tapsyrysyn júzege asyrýda, dep habarlaıdy Qamshy.kz aqparat agenttigi.

Memlekettik eńbek ınspeksıasy jáne kóshi-qon Basqarmasynyń málimetterine sáıkes, 2016 jyly 4000-nan astam azamattar men kompanıalary eńbek qatynastary boıynsha atalǵan mekemege aryzdanǵan. Júrgizilgen tekserýler barysynda ınspeksıa bir myńnan asa eńbek zańnamasyn buzý faktileri belgili bolyp, Almaty qalasynda ornalasqan 123 kásiporynda belgilengen jalaqy boıynsha 600 mıllıon teńge bereshektigi anyqtalǵan.

Júzege asyrylýdaǵy «Eńbek saqshysy» jobasynyń basty maqsaty – eńbek daýlarynyń aldyn alý jáne azaıtý, áleýmettik eńbek máseleleri boıynsha qyzmetkerlerdiń quqyqtyq saýattylyǵyn adan ári ósirýmen qatar eńbek daýlaryn retteý ereksheligin nasıhattaý, halyqtyń quqyqtyq saýattylyǵyn arttyrý. Joba sheńberinde ártúrli menshik nysandary men qyzmet salalary boıynsha Almaty qalasyndaǵy 20 ujymnyń  1000 qyzmetkerine arasynda saýalnama júrgizildi. Jobaǵa qatysýshy psıhologtar, kásiporyndardyń basshylyq jáne kadrlyq qyzmetkerleri arasynda júrgizilgen saýalnama nátıjeleri men málimetterine  sáıkes, eńbek ujymynyń moraldyq-psıhologıalyq ahýalyn kóterý, jeke tulǵaaralyq qarym-qatynastardy jaqsartý, eńbek ónimdiligin arttyrý, eńbek qaqtyǵystaryn aldyn-alý jáne daýlardy beıbit jolmen sheshý úshin jeke usynymdar berildi.

Uıym qyzmetkerleri, qarjylyq, zań qyzmetteri, kásipodaq ókilderi, kelisý komısıalarynyń músheleri úshin semınarlar uıymdastyryldy.

Joba boıynsha ótkizilgen semınarlarda 350-den asa, 180-deı bank sektorynyń, medısınalyq, kólik uıymdarynyń, buqaralyq aqparat quraldarynyń, komýnaldyq kásiporyndardyń, ulttyq kompanıalardyń, saqtandyrý kompanıalarynyń, gaz, saýda kompanıalarynyń, ýnıversıtetterdiń, arnaýly qyzmetter uıymdarynyń, ǵylymı-zertteý ınstıtýttarynyń, jeke kásipkerlerdiń, avıakompanıalardyń, uıymdardyń mádenıet jáne óner salasy, sheteldik kompanıalar jáne t.b. uıym ókilderi qatysty. Osy joba barysynda qyzmetkerlerdiń negizgi quqyqtary men eńbek daýlaryn sheshý tártibi týraly  boıynsha daıarlanǵan aqparattyq beınerolık mpc-info.kz saıtynda  jáne áleýmettik jelilerde kórsetilýde.

Qoldanystaǵy QR Eńbek kodeksiniń  normalary qazirgi kúni tolyqtyrýlar men ózgertýlerdi talap etýde. Osy turǵyda, «Eńbek saqshysy» jobasynyń jetekshisi Jandildá Ájiǵalıuly kórsetkendeı, eńbek daýlaryn retteýge  baǵyttalǵan uıymdardaǵy kelisim komısıalarynyń jumysy, ıaǵnı olardy qurý jáne sol komııssıalarda daýdy retteý tártipteri, komısıany qurmaǵanǵa baılanysty jaýapkershilikterdiń joqtyǵy- qyzmetkerlerdiń sotqa júginý men ári qaraı óz quqyǵyn júzege asyrýǵa kedergiler týyndatyp otyr.

Almaty qalasynda Kásipodaq ortalyǵynda «Eńbek quqyqtaryn saqtaý, eńbek daýlarynyń aldyn alý men azaıtý, bitimgershilik rásimderi»  taqyrybynda eńbek daýlarynyń aldyn alý jáne barynsha azaıtý máselesine qatysty  dóńgelek ústel ótti.

Dóńgelek ústelge qatysýshylar QR Eńbek kodeksi boıynsha qalyptasqan tájirıbe týraly, onyń normalaryn qoldaný barysy jáne tájirıbede kezdesip keletin suraqtar jáne olardy retteýge qatysty usynystar, zańnamalarǵa engizilýge qajetti ózgerister men tolyqtyrýlar talqylandy.