Qazaqstan Respýblıkasy Prezıdenti N.Á. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty halyqqa joldaýyn júzege asyrý maqsatynda Almaty qalasynda Medeý aýdany ákiminiń kóshpeli qoǵamdyq qabyldaýy bolyp ótti, dep habarlaıdy Qamshy.kz aqparat agenttigi.

Atalmysh sharanyń negizgi maqsaty – bılik pen halyq arasyndaǵy baılanysty nyǵaıtý, turǵyndar arasynda kúndelikti sheshimin tappaı júrgen túıtkildi máselelerdiń oń sheshimin tabý.

Qoǵamdyq qabyldaýǵa Medeý aýdanynyń ákimi Erjan Jumatuly Jylqybaev, Almaty qalasy tabıǵı resýrstar jáne tabıǵatty paıdalaný retteý basqarmasy, Almaty qalasy boıynsha quqyqtyq statısıka jáne arnaıy esepke alý jónindegi basqarmasy, Medeý aýdandyq soty, Energetıka jáne komýnaldyq sharýashylyq basqarmasy ókilderi, aýdan prokýrory, aýdandyq jergilikti polısıa, tótenshe jaǵdaılar, tutynýshylardyń quqyqtaryn qorǵaý, jumyspen qamtamasyz etý áleýmettik baǵdarlamalar, bilim bólimderiniń basshylary, kásipkerler palatasy, «Damý» qory ókilderi jáne ózge de aýdandyq qurylymdar qatysty. Sonymen qatar Medeý aýdany ákiminiń qoǵamdyq qabyldaýyna Alataý aýdany turǵyndary da qatysyp qaıtty.

Medeý aýdanynyń ákimi Erjan Jylqybaev qolastynda isteıtin jumyskerlerge kabınette otyra bermeı, halyq arasyna shyǵyp, kózben kórip qaıtý kerektigin aıtty.

Osy ýaqytqa deıin 200 myńǵa jýyq turǵyn ákimdikke túrli problemalaryn aıtyp, shaǵymdanǵan. Kóbine halyq jol men jaryqtandyrý máselesine qatysty aıtyp keledi eken.

«Jol jabyndysyn jóndeý ótinishi qalalyq Jolaýshylar kóligi jáne avtomobıl joldary basqarmasyna jiberildi. Bul másele 2018 jyly óz sheshimin tabady. Medeý aýdanynda 120 aýla jabdyqtaldy, oǵan 1,8 mıllıard teńge qarjy jumsaldy. Alataý shaǵyn aýdanynda 7 aýla qalypqa keltirildi. Áli munda jańa sporttyq alańdar salynady», - dedi Erjan Jylqybaev.

Aıta keter bolsaq, Medeý aýdanynyń ákimi kóshpeli jıyndy besinshi ret ótkizdi. Kóshpeli jıyn ótkizilgennen beri myńǵa jýyq azamat shaǵymdanyp úlgergen. Saýaldardyń 90 paıyzy sheshimin tapty.

Búgingi kúnge deıin bul shara «Kók bazar» janynda 2 ret jáne Shýhov kóshesi boıyndaǵy №2 qalalyq emhana, Almaty qalasynyń Oqýshylar saraıy janynda jáne «Dýman» yqsham aýdanynda uıymdastyrylyp nátıjesinde 700-ge jýyq turǵyn qabyldandy. Kóterilgen suraqtardyń 80% astamy komýnaldyq turǵyn úı sharýashylyǵy, 20% áleýmettik máselelerge baılanysty. Olardyń 65% túsindirilip, 35 % oń sheshimin tapty.

Jıyn barysynda Qazaqstan Respýblıkasy Prezıdenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty halyqqa joldaýyn júzege asyrý aıasynda birqatar máseleler talqylandy.