Rakkada tiri qalǵan júzdegen DAISH sodyry bala-shaǵasyn alyp, qupıa kelisimge sáıkes «Sırıanyń demokratıalyq kúshteri» jaldaǵan 47 júk kóligi men 13 avtobýsqa minip, qaladan sytylyp shyǵyp ketken. Bul BBC-diń eksklúzıvi jóninde Qamshy.kz aparat agentigi jazady.

Bı-Bı-Sı tilshisi Sırıa qalasynan júzdegen DAISH jaýyngerleriniń qashyp ketýine múmkindik beretin qupıa mámile týraly málimetterdi ashty.

DAISH-tyń astanasy sanalyp ketken Rakkada júrgizilgen soǵys budan bir aı buryn toqtaǵan edi. Bul teketirestiń qalaı aıaqtalǵandyǵy jónindegi málimetter tek qazir ǵana ashylyp jatyr. Munda qalǵan DAISH jaýyngerleri otbasyn alyp qashyp shyǵýy tań qalarlyq jaıt. Rakkada qalǵan kúzet qalalyq aýrýhanada DAISH sodyrlaryn bir aı boıy qamaýda ustaǵan.

DAISH otbasylary qamaýda ustalǵanmen, olardyń saǵy synǵan joq. Bul jerde olar basqa kúni kúresý úshin ómir súrý kerek ekendigin uqty. DAISH áskerin shyǵarý mámilesi týraly kelisimdi eshkim de aıtqysy kelmeıdi. Óıtkeni ol Rakkanyń las qupıasy.

Kúrdter, arabtar jáne batys koalısıasy DAISH áskeriniń Rakkadan qashyp shyǵýyna ruqsat berip qana qoımaı, qala shekarasynan alys jerlerde shabýyl jasaýǵa múmkindik berdi.

Koalasıa arasynda jasalǵan mámile buqaralyq aqparat quraldaryn tunshyqtyrýmen bastaldy. DAISH-tyń qashyp shyǵýy televızıaǵa arnalmaǵan jańalyq edi.

Alaıda áýesqoı beınejazbalar arqasynda, jurttan jasyrylǵan shyndyqtyń beti ashyldy. Sebebi bul óte iri jasyryn mámileni qupıa ustaý múmkin emes edi.

BAQ quraldaryna tek birneshe ondaǵan jergilikti jaýyngerler ǵana jiberilgendigi aıtylǵan.

Tilshi: Sheteldikter joq bolsa, qarý da bolmas edi. Biraq júk mashınalary qarý asynǵan, belderine óz-ózine qol jumsaıtyn bomba taǵyp alǵan jaýyngerlerge toly boldy. Biraz izdestirýlerden keıin, Tabka degen jerden júk kóligin, avtokólik júrgizýshilerin, beıbit turǵyndardy jáne DAISH-ty erkindikke jetkizgen adamdardy taptyq.

Olardy kúrdtter jáne Sırıanyń demokratıalyq kúshteri saılaǵan. Rakkadan shyqqan olar ómirindegi eń uzaq saparǵa shyqty, kúndiz-túni toqtamastan, úsh kúndeı jolda bolǵan.

Mámile buzylǵan jaǵdaıda, DAISH bomasy tıelgen júk kólikteri jarylatyn edi. Olar tek birneshe júzdegen beıbit turǵyndy kóshiretindikterin aıtyp sytylyp shyǵýshy edi.

Kólik júrgizýshisi: Biz 47 júk kóligi jáne 13 avtobýs bolatynbyz, al DAISH áskeri óz kólikterimen jolǵa shyqqan. Biz júrip ótken jol shamamen 6-7 shaqyrymdy qurady. Bizdermen birge áıelder men balalar boldy. Barlyǵyn qosqanda 4000-ǵa jýyq adam boldy.

Tilshi: Júk kólikterindegi sheteldikter týraly aıtyp berińizshi. Olar qaıdan keldi?

Kólik júrgizýshisi: Bizben birge kóptegen sheteldikter boldy, olar: Fransıa, Túrkıa, Ázirbaıjan, Pákistan, Iemen, Saýd Arabıasy, Qytaı, Týnıs jáne Egıpetten kelgen.

Tilshi: Bul DAISH-tyń jeńis úshin qashyp shyǵýyna uqsap turǵan joq. Sondyqtan Sırıa demokratıalyq kúshteri eshqandaı jalaýlar men bannerlerge tyıym salǵan. Kerisinshe, DAISH jaýyngerleri júk kólikteriniń ústinde tek qarý-jaraqtaryn asynyp turdy. Olar Shanına kentine jetkende, Álı Ál-Asad dúkenine toqtaǵan.

Álı Ál-Asad: Bul jerde kólikter úsh saǵattan astam ýaqyt turdy, adam sany shamamen 4 myńnan astam boldy.

Tilshi: Koalısıalyq ushaq olardyń ústinen ushyp ótti, biraq eshteńe istegen joq. Jolaýshylar júrdi. Biz de óz kóligimizben artynan ańdydyq, DAISH kólikteri tasadan tys bolyp ketti.  

Mahmud atty turǵyn: Bul psıhologıalyq qorqynyshtan qutylý úshin biraz ýaqyt kerek. Maǵan olar áli de qaıtyp keletin sıaqty kórinedi.