Almaty qalasynyń Óńirlik komýnıkasıalar qyzmetinde ótken brıfıń barysynda Torǵaev Bekqalı Bostandyq aýdanynda jalpy sany 48 jalpy bilim berý mekemeleri ornalasqanyn týraly aıtty. Onyń ishinde: 15 jekemenshik, 33 memlekettik ekenin habarlady.

Bekqalı Torǵaevtyń aıtýynsha, mektepterdiń jobalyq qýattylyǵy - 32583 oqýshy. 2017-2018 oqý jyldaryna mektepterde bilim alatyn oqýshylardyń sany 36352 balany qurap otyr (memlekettik mektepte – 30579, jekemenshik – 5773). Byltyrǵy jylmen salystyrǵanda oqýshylar sany 2641 balaǵa artyp, 108% ósken (33711 bala).

Jyl saıynǵy pándik olımpıadalardyń aýdandyq kezeńine 767 oqýshy qatysyp, 379 oqýshy jeńimpaz atandy. Qalalyq kezeńde 188 oqýshy qatysyp, olardyń ishinde 94 oqýshy júldeli oryndarǵa ıe boldy. Sonymen qatar, respýblıkalyq deńgeıdegi olımpıadalarǵa Bostandyq aýdanynan 51 oqýshy qatysqan bolsa, olardyń 49-y, ıaǵnı 96% jeńimpaz atandy.

2017-2018 oqý jyldarynda 3517 bala alǵash ret mektep tabaldyryǵyn attady. Byltyrǵy oqý jyldarymen salystyrǵanda (4012 bala) 495 balaǵa azaıǵandyǵy baıqalady. Respýblıkalyq «Mektepke jol» atty aksıa aıasynda aýdan kásipkerleriniń qoldaýymen jáne «Jalpyǵa mindetti oqýmen qamtý» qory arqyly jalpy sany 745 bala qamtylyp, 20-ǵa jýyq mln. teńgege kómek kórsetildi,- dep sózin túıindedi Bostandyq aýdanynyń basshysy Torǵaev Bekqalı.