2017 jyldyń 10-14 qańtar aralyǵynda Astanada Hokeı aptalyǵy ótedi dep habarlaıdy Qamshy.kz aqparat agenttigi. Osy sharanyń aıasynda áıelder arasyndaǵy hokeı lıgasynyń juldyzdarynyń ıaǵnı, eki komandanyń eń myqty degen oıynshylary  kezdesedi. Qazaqstandyqtardyń atynan bul oıynǵa «Tomırıs» áıelder komandasynyń sportshylary qatysady. Sondaı-aq, jastar arasyndaǵy hokeı lıgasynyń oıynshylary da qatysyp, óz ónerlerin ortaǵa salatyn bolady.

Al, master shoýǵa qurlyqtyq hokeı  lıgasynyń úzdik hokeıshileri qatysyp, osy sport túrindegi ár túrli elementterin kórsetetin bolady. Sonymen qatar, 14 kúni ótetin kezdesý bul Qurlyqtyq hokeı lıgasyndaǵy barlyq úzdik oıynshylardan jasaqtalǵan eki komandanyń arasyndaǵy kezdesý bolady.  Aıta keteıik, atalmysh oıynǵa Astanalyq «Barys» komandasynyń hokeıshileri de qatysady. 

Hokeı aptalyǵy «Barys Arena» muz aıdynynda birinshi bolyp áıelder lıgasynyń úzdikteriniń shyǵýynan bastalady. Úzilisterde ÁHL úzdikteri jyldamdyqqa, tehnıkalyq oıynǵa baılanysty túrli jattyǵý kórsetip, tájirıbelerimen bólisetin bolady. 

         Al, 11 qańtar kúni Jastar hokeı lıgasy dástúrli «Shyǵys» jáne «Batys» bolyp Jekpe-jek kýbogy jeńimpazdaryn anyqtaıtyn bolady.

        Juldyzdy aptany qurlyqtyq hokeı lıgasy tórt dıvızıonynyń quramalary qorytyndylaıdy.

        QHL juldyzdarynyń kezdesýin «QAZSPORT» telearnasynan tikeleı efırde kóre alasyzdar. Tómende kórsetilimder kestesiniń ýaqyty kórsetilgen.

Kórsetilimder kestesi:  

10 qańtar

18:30 Áıelder Hokeı Lıgasy. Juldyzdar machy LIVE

11 qańtar

18:30 Jastar Hokeı Lıgasy. Juldyzdar machy LIVE

13 qańtar

13:00 QHL juldyzdary. Master-SHoý LIVE

14 qańtar

13:00 QHL. Juldyzdar machy LIVE