Almatyda balalar men jasóspirimderdiń psıhıkalyq densaýlyǵyn nyǵaıtý máseleleri jóninde tuńǵysh halyqaralyq konferensıa ótedi, dep jazady Qamshy.kz aqparat agenttigi.

19-20 qańtar kúni Almatyda Qazaqstan Respýblıkasynyń Bilim jáne ǵylym mınıstrligi, BUU Balalar qory (IýNISEF) men Bilim Foundation qoǵamdyq qory  jasóspirimderdiń psıhıkalyq densaýlyǵyn nyǵaıtý jáne sýısıdterdiń aldyn alý máselelin sheshýdiń eń tıimdi ádistemelerin talqylaıtyn konferensıa ótkizedi.

Konferensıa jumysyna mamandanǵan halyqaralyq uıymdar ókilderi, psıhıkalyq densaýlyq salasyndaǵy otandyq jáne álemdik jetekshi mamandar qatysady.

Jyl saıyn álemdegi jasóspirimderdiń 10%-y dene múshelerin zaqymdaıdy jáne 67,000 jasóspirim ózderine salǵan jaraqattary nátıjesinde kóz jumady. Sýısıd jasóspirimdik jastaǵy qyzdar men uldar arasynda tysqary sebepterden kóz jumýdyń basty sebepteri arasynda turaqty ornyqqan.

Konferensıa aıasynda Qazaqstan IýNISEF-tiń kómegimen engizilip jatqan psıhıkalyq densaýlyq jáne ómirlik daǵdylardy qalyptastyrý, kámelet jasqa tolmaǵandar arasynda sýısıdtiń aldyn alýyna baǵyttalǵan keshendi baǵdarlamany usynady.

Orny men ýaqyty: Ál-Farabı atyndaǵy QazUÝ kitaphanasy, 19 qańtar 2018 jyl, 08:30

 Akredıtasıa jáne qosymsha aqparat alý úshin kelesi qyzmetkermen habarlasyńyzdar:

 Zarına Nurmuhambetova, IýNISEF Qoǵammen baılanys mamany

+ 7 777 734 3019 znurmukhambetova@unicef.org