Osh qalasyndaǵy «Sýleıman-Too» mýzeıiniń burynǵy qyzmetkeri Áshiráli Marazyqov Qyrǵyzstan týynyń edenge tóselgen sýretin jarıalady. Onyń aıtýynsha, sýret jóndeý jumystary júrip jatqan mýzeıdegi jertólede túsirilgen.

Marazyqov memlekettik rámizdi qorlaý zańsyz dep, mýzeı basshylyǵyn jaýapqa tartýdy surady.

«Sýleıman-Too» mýzeıiniń dırektory Ábdiqaıym Qangeldıev bul oqıǵa onyń basshylyqqa kelmeı turyp oryn alǵanyn jáne jaýapqa tartylatyndaı sebep joq ekenin aıtty.

Onyń aıtýynsha, týǵa qatysty janjal aryz bergen qyzmetkerdiń jeke renishteri saldarynan týǵan.

Aıta keteıik, memlekettik eltańbany nemese týdy qorlaý áreketi úshin 10 myń som kóleminde aıyppul salynyp, 40 kúnnen bir jylǵa deıin bas bostandyǵynan aıyrý jazasy qoldanylady.